محدٍ مخلد لو بنا شدة الباس

لانيب متكبر ولا ميت احساس=ما بي غرور وباقي الحال مستور
وش مكسبي ان شفت نفسي على الناس=ما هيب مدحه يوم يقولون مغرور
المرجلة طبعي وهي منبع الساس=مورثةٍ من بيت بالطيب معمور
اغلى الجواهر لا ذكر جوهر الماس=واسعد رجل من بات والقلب مسرور
حسن الختام هو مطلبي لا دنى الكاس=كاس المنية امر واقع ومقدور
حقٍ علينا نقبله لو علاء الراس=وتقلد اعلاء مرتبه بحق او زور
محدٍ مخلد لو بنا شدة الباس=نترك ورانا مال وولاد وقصور
ما ينفع المؤمن سوى فعل نوماس=ينفعه في يومٍ مع الناس محشور
ورحمة الله هي لنا اليوم نبراس=وبيوم وحشه فيه بعثان ونشور

شعر : فهد الدهيسي

تحيتي لكم
ريم

اغلى الجواهر لا ذكر جوهر الماس

واسعد رجل من بات والقلب مسرور

حسن الختام هو مطلبي لا دنى الكاس

كاس المنية امر واقع ومقدور

ريم كل الشكر والتقدير على هذه الاضافه الجزله
وصح لسان شاعرها

مرورك الاروع ابو حمد لاهنت