ابن زويبن ابا اتوجد وجد من ضاع له شف

ابا اتوجد وجد من ضاع لـه شـف=مـع لابـةٍ ساقـوا ضعنهـم وقفـى
يخيلهـم ليـن ان مظهورهـم هـف=بالمرتفـع ودمـوع عينـه تكـفـى
حالت ضغاينهـم ورى بـارقٍ رف=أحيا الوطن وأيبـس كبـود الأعفـا
و أخذ ثلاث سنين والدمع مـا جـف=ينضح نضيح عيـون بيـرٍ ترفـى
من بعدهـم مثـل الاسيـر المكتـف=لين انتهت فتـرة حسابـه وصفـى
و ركب على عوصا تكف النظاء كف=فجا عضـود وسبتهـا مـا تحفـى
عمليـةٍ مـا مثلهـا موميـة خـف=طويلـة المقـدم عريضـة مقـفـى
ويوم ان خامس خمس الأيام طـرف=أرهـى بممساهـم وطيـب الملفـى
و قـدام ينشـد ناطحـوه المزهـف=وقالوا : ترى مضنون عينك توفـى
أو وجد من عدى بطفٍ علـى طـف=طـورٍ ورى طـورٍ بعاليـه شـفـا
و الجيش عقبه شاف له شوف وأختف=قومٍ زعاعـة فـوق جيـشٍٍ معفـى
راحوا وهو يصفق بكفٍ على كـف=و من الضمـا بيـن العـدام ايتهفـى
اللوم والسوداء لهـم فـرش ولحـف=فـرشٍ تفرشهـم ولحـفٍ تضـفـى
عليك ياللـي فيـك عبلـة توصـف=نيران حبـك بالحشـى مـا تطفـى
ياللي كلامـك در عـربٍ تعاطـف=بالمربعانيـة وكـنـه مـدفـى
تليتنـي تـلـة مـهـارٍ تعـسـف=وبيحت سـدي ليـن بـان المخفـى
أنا دخيلك عف عنـي وأنـا أعـف=ترى العذاب اللي حصل منـه كفـى

عبد الله بن زويبن

صح لسان الشاعر العلم
عبدالله بن زويبن المعمري الحربي
ولاهنت اخوى على الاضافه الاكثر من رائعه
تحيتي

صح لسان الشاعر بن زويبن
وسلمت اخوي على الاختيار

اهلا وسهلا فيك وشكرا اخوي عبد العزيز

ياهلا بالجميع

ياللي كلامـك در عـربٍ تعاطـف

بالمربعانيـة وكـنـه مـدفـى

تليتنـي تـلـة مـهـارٍ تعـسـف

وبيحت سـدي ليـن بـان المخفـى

أنا دخيلك عف عنـي وأنـا أعـف

ترى العذاب اللي حصل منـه كفـى

اختيار رائع
صح لسان ابن زويبن

مشكور ابو الرجال ياهلا فيك
تصدق ان كل ما اقراء لقبك ابو الرجال
يذكرعلي الممثل القديرعبدالله غيث ورجال الجبل

صح السان الشاعر القدير عبد الله
وصح بدنك

هلا فيك اخوي

صح لسان الشاعر العلم عبد الله بن زويبن ولك جزيل الشكر اخوي ذعذاع الشمال على حسن الاختيار

حياكم الله وبارك فيكم