صوتٍ من الحزن

ارسل لي الصديق العزيز خالد بن عايض العملطي هاذا البيت
بعد مده لم نلتقي فيها..
فبعد ما تنصدم من بعض الاصدقاء والمعارف وازملاء
عندما ترا صديقاء مخلصاً ويتضح عكس ذالك
وعندما تعرف زميلا صادقاً ويتضح عكس ذالك
ورجلا شهماً ويتضح عكس الك
وآخر صادقاً ويتضح عكس ذالك
ورجلا ملتزماً ويتضح عكس ذالك
ماذا يراودك غير شعور الياس..؟
يامطول بغيبتك وش لون الاحوال= عساك في غيبتك طيب ومبسوط
وقد جاراها الشاعر خالد بن حواس العنزي ابو غلا
وقصيدته في جهاز نسيته في بريده عند عودتي انقلها لكم
بأذن الله...

ياخالد الاحوال من حال في حال=تقفي بنا شوطاً وتقبل بنا شوط
نسعى وتفرحنا الاماني والآمال=والياس له صوتٍ من الحزن مشحوط
لاخاب ظنك في رصيدٍ من المال=مالك مشاريهٍ على الناس واشروط
وان قيل من قاله فقل لابن هلال=مضبوط والا جعل ماهو بمظبوط
راح الوفاء ياطيب الفال بريال=والشك يجلد فاعل الطيب في سوط
البر ضاقت به من الجال للجال=والجو ملَيانٍ بواشق وشبوط
والمجتمع نصه مساكين وانذال=واللي بقي منهم شواكيش وجنوط

اخوى
الشاعر نواف بن هلال الفريدي
صح لسانك ولاهنت البناخي على هالقصيده
ولو إن هذا الشطر حيرني تفسيره
واللي بقي منهم شواكيش وجنوط

تقبل مرورى وتحيتي

المشاركة الأصلية كتبت بواسطة غازى بن عجاب أبوزوايد

اخوى

الشاعر نواف بن هلال الفريدي
صح لسانك ولاهنت البناخي على هالقصيده
ولو إن هذا الشطر حيرني تفسيره
واللي بقي منهم شواكيش وجنوط

تقبل مرورى وتحيتي

هلا وسهلا ابو فيصل.
الكثير لم يفهم الموضوع ولمن القصيده
واشكرك ابو فيصل على مجهودك ودقة ملاحضتك

اما بالنسبه للشاكوش, والجنط

لغه محليه يطلقونها الشباب
على الجلف الشين هههههههههههه والجنط الدلخخخخخخخخخخخ


واشكرك ابو فيصل مره ثانيه

صح لسانك ياخوي نواف وتقبل تحياتي

بن هلال شاعر رائع ,
.
لكن ليش التشاؤم ؟

صح لسانك اخي نواف
وهكذا العاطفة اللحظية ولكن سرعان ما تنكشف ليرى الانسان الجمال من حوله

المشاركة الأصلية كتبت بواسطة علي محيميد الفريدي

صح لسانك ياخوي نواف وتقبل تحياتي

اخوي علي اشكرك على مرورك الرائع ولك اجمل تحية

اخواني الاساتذة الكرام
الشاعر عبدالله بن راشد
ابو يارا

اشكركم على مروركم وثنأكم على النص

التشأوم موجود لدى كل شخص في لحظة اليأس الشديد
فيقتل التفاؤل ...ولايستجيب العقل في ساعة الاحباط
قصيدي ليس كلام منزل فقد اخطي وقد اثير النقاش والعتاب مع من حولي في بيت في قصيده..
وهذا ماينعرض له اي شاعر حقيقي صريح حتى الإساة ولو على نفسة فلا ننسى انني من هاذا المجتمع ..فعندما سمع بها الشاعر خالد بن حواس جاراها بنفس النبره

فقال خالد المطوطح

لاعاد تسأل عن حوالي ولا سال=معاد فينا يافتى الجود مغبوط
الروح من ربي والاجساد تمثال=والحظ قسم بين فايز ومسخوط
والناس ويش الناس ياغير الازوال=كم واحدٍ في غيهب الهم مربوط
حاول يشيل اهموم بقعاء ولاحتال=والحزن في عينه بالافراح مخلوط
والطيب مات وراع البخل يختال=والمجتمع صفق يقولون مزبوط
تبت يدينن يوم دبت بالاموال=ماحاز راعيها مع اهل الكرم نوط
يالله عفوك غير عفوك فلاسال=يامهلكن فرعون ومنجيٍ لوط

[/poem]

نواف بن هلال .

مساء الخير يا سندي ,

التشاؤم أحيانا يكون سمة للشاعر ويخيم على قصائده فلا يستطيع التخلص منه , وقد اشتهر به ابو العلاء المعري وسلفه المفضل احمد المتنبي ,
فا لمعري يقول :
كلاب تعاوت او تغاوت لجيفة .. واحسبني صرت ألأمها كلبا
( أعزكم الله )

والمتنبي يقول :
و دهر ناسه ناس صغار ... وان كانت لهم جثث ضخام
و مسحة التشاؤم هذه تجدها في الكثير من قصائده ,
.
والذي أريد أن أقوله لك يا طويل العمر أن هناك شعر تفاؤلي مبهج هو الذي يستحق أن نحفظه وننشره لأنه يبعث الجد والحياه في نفوسنا ,
.
وهو مثل قول ايلياء ابو ماضي :
.
قال : السماء كئيبة ، وتجهما ... قلت : ابتسم يكفي التجهم في السما
فلعل غيرك إن رآك مرنما ... طرح الكآبة جانبا وترنما

نواف هلال صح لسانك وبيض الله وجهك لاهنت