دخيل الغلا

دخيل الغلا اللي راح واللي وقف مرتاب=بسميه عشقٍ وأنت مدري وش تسميـه
ودخيل العيون اللي عليها الحلاا جـذاب=تشوف الولع فيهم ولا تدري وش تاليه
دخيل المكان اللي جمعنا ولا هو إعجاب=إذا لي معزه طـاري البعـد لاتطريـه
لوتشوف وضعي عند ماتلتقي الاهداب=لـك الله لـو لـك نيـةٍ بالجفـا تلغـيـه
أناوأنت غايب كن وسط العيوون ترااب=تنام الخلايق ولا أنا النووم مالي فيـه
ذبحني غلاك اللي سرى مثل سم الدااب=طفح بالعروق وكـل ماوافقـه ينهيـه
بقى قلبي اللي ماذبحته وأهو منصـااب=أنا ادري تبي تستوطنه يومـك تخليـه
سكنته وأهو عمره قفل بالوجيه البـااب=أنا أعرف قلبي لاعشق لارحـم واليـه
يجي كله من أقصاه ويحب بأستغـراب=وفا فيه ماهو مع بشرر ليتـك إداريـه
ترفق على قلبٍ تلـوع بـك ولا تـاب=تعذب ولامنـه نـوى البعـد مايمديـه
تمكنت به حيث الولع مثل غرس الناب=مصيبتك تدري بس ليه المفـارق ليـه
دخيلك على بعضك ولاهي بدعوى عتاب=تعيد النظر فالبعـد مـن قبـل لاتبديـه
عليك الله أكبر وأنت حكمك شريعه غاب=تجيب الطعون وتجرح الخافق وتدميـه
وأناأموت فيك وصال وأموت فيك غياب=وإهي موتة وحده مع فـارق التشبيـه
ومنقال مابه موت بالحب قل كـذاب=(جميل وبثينه) ماذبحهن مرض ياهيـه
أحبك ومن حبك خسرت أغلب الاصحاب=أذا عاتبونـي فيـك أعتابهـم مابيـه
أحبك ولا تسأل حبيبي عـن الاسبـاب=أنا لو أعرف أسباب حبك قدرت أنهيـه
أنابسألك؟ هو صحيح الهـوى غـلاب=أنا بنصح اللي مثل شـرّواي لايمشيـه
ومنلايحّسب بالهوى للفراق أحسـاب=لك الله ماغنـى سلامـه يبـي يغنيـه
مثل هل دمعي وانت رايح وطرق حجاب=ومثل مارمى عبدالحليم الزهر يرميه
وأذافيه بكتاب النحو للفـراق إعـراب=فهو فعل مطلق والجفا ماضيـه
الاليت ربي ماخلـق بالغـرام غيـاب=وإذا فيه فرقا طـاري الحـب لانطريـه

راقت لي فنقلتها

ريم

اختيار رااااائع
اشكرك على جمال الانتقاء

اقتباس:
المشاركة الأصلية كتبت بواسطة ابوحمد
اختيار رااااائع

اشكرك على جمال الانتقاء


شاكره روعة مرورك ابوحمد لاهنت

ودخيل العيون اللي عليها الحلاا جـذاب

تشوف الولع فيهم ولا شفت وش تاليه
تدري

أنابسألك؟ هل هو صحيح الهـوى غـلاب

أنا بنصح اللي مثل شـرّواي لايمشيـه

أناوأنت غايب كن وسط العيوون ترااب

تنام الخلايق ولا أنا النووم مالي فيـه

ههههههه يالله على السهل الممتنع

وأذافيه بكتاب النحو للفـراق إعـراب

فهو فعل مطلق والجفا فيه من ماضيـه







الاليت ربي ماخلـق بالغـرام غيـاب

وإذا فيه فرقا طـاري الحـب لانطريـه


ياسلام.......
ماخط بالاحمر فهو من المفروض ان يكون هاكذا لان ماجا بالمشاركه الاصليه للاخت ريم مكسور وهاذا مو ذنبها لانها نقلته وتشكر على مجهودها
وضعتها من عندي لكي لايكسر
الابيات وهاذه مستحيله من شاعراً كهاذا لله دره
اختي ريم سلمك الله...ياليت بس لو ذكرتي اسم الشاعر
حفظاً لحقوقه ولو اني اشوفه من طابع (بن فطيس)
الخبر اليقين عند قوقلنا ابو زوايد يجيب العلم...
والف شكر على النقل ....ولذائقه المتميزه

دخيل الغلا
قصيدة
وابيات بالصميم اختيار راقي
وذائقة فذه
لله درك اختي ريم
مشكورة

اقتباس:
المشاركة الأصلية كتبت بواسطة نواف بن هلال
ودخيل العيون اللي عليها الحلاا جـذاب


تشوف الولع فيهم ولا شفت وش تاليه
تدري

أنابسألك؟ هل هو صحيح الهـوى غـلاب

أنا بنصح اللي مثل شـرّواي لايمشيـه

أناوأنت غايب كن وسط العيوون ترااب

تنام الخلايق ولا أنا النووم مالي فيـه

ههههههه يالله على السهل الممتنع

وأذافيه بكتاب النحو للفـراق إعـراب

فهو فعل مطلق والجفا فيه من ماضيـه







الاليت ربي ماخلـق بالغـرام غيـاب

وإذا فيه فرقا طـاري الحـب لانطريـه


ياسلام.......
ماخط بالاحمر فهو من المفروض ان يكون هاكذا لان ماجا بالمشاركه الاصليه للاخت ريم مكسور وهاذا مو ذنبها لانها نقلته وتشكر على مجهودها
وضعتها من عندي لكي لايكسر
الابيات وهاذه مستحيله من شاعراً كهاذا لله دره
اختي ريم سلمك الله...ياليت بس لو ذكرتي اسم الشاعر
حفظاً لحقوقه ولو اني اشوفه من طابع (بن فطيس)
الخبر اليقين عند قوقلنا ابو زوايد يجيب العلم...

والف شكر على النقل ....ولذائقه المتميزه















من الصعب جدا ان نتجادل مع ملوك الشعر ..فهم ادرى بكسره وجبره
انا نقلتها من ملف خاص عند ي رغم اني لااعلم شاعرها فقط من باب الاعجاب بالشعر
وفعلا حفاظا على حقوق الشاعر وجدتها للشاعر حمد السعيد ...

على ذمة عمنا قوقل وبنفس الكسور .
الشاعر كبير قد يكون الخطأ بمن نقله طبعا اللي هو مو انا ههههههههه

شاكره مرورك شاعرنا لاهنت

اقتباس:
المشاركة الأصلية كتبت بواسطة ابو الرجال
دخيل الغلا

قصيدة
وابيات بالصميم اختيار راقي
وذائقة فذه
لله درك اختي ريم

مشكورة









رقي بالمرور ورقي بالاسلوب
شاكره هذا الحضور العطر

ابو الرجال لاهنت