والله لدوس اسم المجامل برجلي .......

من روائع الشاعر الكبير : شريف بن راكب الفريدي

أبديت لي وجهة نظر من مساعي=البر خيره عاجله هو حلاته
والله ما اجيب العلم من مصدرٍ ني=وان جاء غلط يبقى الخطأ من رواته
امشيدٍ سيسان بنيه على طي=اخشى يجيه امسبعٍ في سباته
مادام يربطني مع الشعر عاني=ليّه على بعض الامور التفاته
والله لدوس اسم المجامل برجلي=واقول قولٍ مستعدٍ اثباته
لا والله الا دمر الشعر وابليّ=كلٍ يعده للفراغ بقناته
والله ما عاد إلاّ تفتش مخابي=كاننت شاعر كل ما قلت هاته
دارت به الدنيا على موقفٍ سي=كورة قدم من جاه بالرجل شاته
تقبلوا يا مشيعينه تعازي=ما اقول كود اللهم لاشماته
كم هد مشروعٍ غلط عقب ما بني=ومن لايعرف الحمد تبطل صلاته
واخر دوى المرضان عند العرب كي=طرد السبب للي بقي من حياته
حلفت ما البس لي عباةٍ ماهي لي=امعزبي تحرم عليّه عباته
يا حيف يا بياعت الشعر بعبي=تكفون ما هاذي صفه من صفاته
تذكروا من شعرهم ساد وحمي=ما منهم اللي قيل هذي سواته
بعض القصيد يموت لو شاعره حي=هزالت المعنى تسبب وفاته
يجيب لك عشرين هذي وراء ذي=اليا حصل له بالمجال انفلاته
تدور المعنى يجي ما هنا شي=اخير مما قال كله سكاته
الكم هايل والحلا عنده شوي=عشب الربيع الصيف يحرق نباته
ولاعاتب الجاهل ولا اقول يا صبي=الوقت يثبت تهمته من براته
اشره على اللي لحيته كنها في=اللي يغني بالهوى عقب فاته
ولافيه احد يمه تصدّر سواني=ارسالتي ما هي لشخصٍ بذاته
ما اقول هذا المتهم طاح بيدي=كلٍ يعرف من الذبيحه شواته
واليا طلع عقب الحذر واحدٍ عي =ياخذ عدد نصف الشهر من بناته
والسيف لولا قطع الارقاب ما حني=والشعر سيف لمن تعرض شذاته
وصلو على اللي غرسته طلعها جني=عسى النصيب يصيب كامل وصاته

الله الله
صح الله لسان الشاعر العلم شريف بن راكب الفريدي
نعم هذا هو الشعر الحقيقي نعم هذا الشعر الجزل نعم هذا شعر الحكمه
ولايفوتني أن أشكرك أخوي القدير منصور الوسوس على نقلك لهذه القصيده
الجزله المعبره من شاعر عرف بجزالة الشعر والحكمه
لك وله جزيل التحيه

صح لسان الشاعر الكبير شريف بن راكب
وتسلم اخونا ابو يارا على النقل الجميل
تقبل مروري

ابو يارا
بيض الله وجهك
على ايراد هالدره الثمينه
من شاعرٍ علم عرف عنه الجزاله
صح لسانك ولسانه

صح لساان ابو محمد
مشكور اخي الغالي ابو يارا ع النقل المميز تحياتي ,,,,,,

صح لسان شريف

وتسلم ابايارا على النقل

أضافه تستاهل القراءه

لا والله الا دمر الشعر وابليّ=كلٍ يعده للفراغ بقناته
..
تقبلوا يا مشيعينه تعازي=ما اقول كود اللهم لاشماته

ههههههههههههههههههههههههه هه







لله درك يابن راكب شاعر يتكلم من صدق واحاسيس جياشه ومبدع مافيها
كلام اي شاعر يقراء لشريف
يستمتع ويحس بطعم القصيد اسبوع كامل
وكانه يتكلم عن مافي خاطره
نعم احياناً تجد واحد كل يوم يكتب قصيده ولو موضوعها تافه او لايتناسب مع الشعر
ماكل موضوع سؤاً عايلي اجتماعي سياسي......الخ يكتب عنه بالشعر.....
ممكن في مقال او سالفه في مجلس
وبعض الناس قصدي الشعراء او المستشعرين يكتبون عنه ويذبحون مفردات ومعاني وافكار بدون ذكاه اي (حرجه )زي مايقولون
صح لسانه
ويعطيك العافيه ابو يارا على النقل.....والشهر عليكم مبارك

اللهم صل على محمد وعلى آله وصحبه أجمعين

اللهم صل على محمد وعلى آله وصحبه أجمعين

الـــــــــــــلـــــــــ ــــــــــــله الله الله اكبر على الابدع

ياشريف صح الله السانك والسان ( قرينتك)

تدور المعن يجي ما هنا شي=اخير مماقال كله سكاته

عزالله انك صـــــادق ؟؟ يازين السكات
يازيـــن الــــــــــــصـــــــــم ت

وكرر شكري للخ منصور
واقول دايم موفق انشالله

بيض الله وجهك يابو يارا على هذا النقل الجميل وصح لسان الشاعر شريف

صح لسان الشاعر الكبير شريف بن راكب

ولاهنت يابو محمد على اتحافنا بهذه الجزله

تحيتي وتقديري لك