تعريف المحاوره

بسم الله الرحمن الرحيم

السلام عليكم ورحمة الله وبركاته

=======================



المحاوره في اللغه /الحوار او النقاش

وفي الاصطلاح /هي مواجهه بين شاعرين وتحاورهما حول موضوع معين وفي اطار محدد بالوزن
والقافيه مستخدما اسلوب الفتل للشاعر الاول واسلوب النقض للشاعر الثاني في حدود معينه 0
اخي القارئ /هناك نماذج من الشعراء اللذين خدموا هذا الفن الاصيل وكان هدفهم هو الحفاظ على هذا التراث
فاوفوه حقه من حيث جزالة اللفظ وجزالة المعنى والرقي به وعدم الاسفاف والنزول به الى الحضيض من الكلام ويعتبر لهم فضل كبير بعد اللهعلى الشعر وعلى الشعراء الشباب اللذين يسيرون على نفس المسار والتوجه وحتى لانغالط انفسنا

هناك شعراء شباب انحرفوا عن هذا المسار الجميل فأ سأوا لشعر المحاوره وعبثوا به ولم يقدروه حق قدره

ولكن اذا كان هدفك وتوجهك كشاعر محاورههو صقل موهبتك والرقي بالشعر فسوف يكون ذلك واضح للعيان من
خلال ما تقدمه في الميدان والناقد والمتابع والشعراء هم الحكم والفيصل فيما يسمعونه من ابياتك الشعريه 0
اخي القارئ الكريم /هناك نماذج سوف اقدمها لك من شعراء بارزين برزوا بسبب قوتهم الشعريه ودهائهم ولاهتماهم
بالشعر والارتقاء به فارتقى بهم الى القمة التي يطمح لها كل شاعر محاوره فجزاهم الله عنا خير الجزاء

الشاعر الكبير عبد الله المسعودي






نهاية شهر ذي الحجه بداية يوم من عاشور
هلا يا مرحبـا والمملكـه باحـلا لياليهـا
انا واقف ولا فكرت في مطلق ولا مستـور
معلقها على قمـة جبـل وتهـز رجليهـا





الشاعر الكبير الجبرتي






مرحبا في حلة اللي مكرمين لحاهـا
ردة تقصر عن اللي لحيته محلوقـه
كدها بالموس والصابون لين احفاها
لين صارت مثل ركبة عمتي مرزوقه







الشاعر الكبير احمد الناصر






شفت لي عالم ثاني وشي غريـب
لو اعلم به الاجناب قالـو كـذوب
عودهم ما يموت وورعهم ما يشيب
فاتحين العيـون وميتيـن القلـوب





الشاعر الكبير صياف الحربي






الثبيتي كلما شاف البحر يومـي براسـه
والبحر لاشاف مطلق فالجبل ما يلتفت لـه
يحسب اني شجرة خضرا يقطعهـا بفاسـه
-ما درا اني من محافيله عسى ربي يحفله





الشاعر الكبير مطلق الثبيتي






يالعصيمي معاشك من بنوك اليمامه
والا انا من بنوك الله يجيني معاشي
جبت ستين شيخ وكل شيخ بعلامه
جعلهم عند نو بارقـه فالمناشـي





الشاعر الكبير مستور العصيمي





انت رزقك تجيبه من جحلط تهامه
مزنة من مطرها ما لحقنا رشاشي
يالثبيتي تجود في طريق السلامـه
لنت قاطع نصيب ولنت خادم بلاشي





الشاعر الكبير سلطان الهاجري






يابن الزلامي هنا ما عاد يحتاج
اختار في بطنهـا والا ظهرهـا
اللكزس اللي على طبلونها عاج
-لاوصلتني ولا بنشر كفرهـا




الشاعر الكبير فيصل الرياحي






وش المانع لو يزحف حضن ويصبح النير
قبل يـوم القيامـه وتحريـك الجبالـي
اعيش بديرة ما عصرت فيها المعاصيـر
ولا مجلـس بخيـل يقهـوي بالشمالـي





الشاعر الكبير عبدالله ابن شايق






سلام الله سلام لو رميته فالبحر مـا غـاص
سلام لو وضعته تحت حر الشمس ما ماعـي
انا احب الغلا واهل الغلا والا الرخاص رخاص
على سوق الغلا لاهل الغلا شاري وبياعـي





الشاعر الكبير رشيد الزلامي






الليله الشاعر الحربي علي الحرام
لااذكره سالفه ما هو بمنها بـري
في ديرتي مرني ما قال حتى سلام
واليوم تشر يمينه كنه العسكـري






الشاعر الكبيرمصلح الحارثي






يا سلام الله سـلام يفيـد المستفيـد
عد ما ينبت شجرهـا وهـل هلالهـا
يضحك حجاجي ليا شفت لي وجه جديد
لو مغير اضحك على غترته وعقالها





الشاعر الكبير حبيب العازمي






الليله البرق شاميواسمع دنين الرعـد فيـه
واليا اصبح الارض ممطوريستر قلبي وعيني
صياف في كل عاميينوي بقتلي وانا انويـه
لكن مطلق ومستورحالوا ما بينـه وبينـي





الشاعر الكبير محمد ابن مشيط المري





ودي العب وانشد القرقاح عن قصة حياته
عقب راح من الديار اللي لحم كتفيه منها
الحقيقه ما خبرنا واحـد سـوا سواتـه
فالجزيره كلها من شامها حتـى يمنهـا





الشاعر الكبير عبدالله العير





ترجع الدنيا وقدر الشراكه ما يجود
لو يجود القدر ما صاحوا الورعانيه





الشاعر الكبير فلاح القرقاح






سلامي سلام يتوق له كـل مطنـوخ
بيوت الشرف والعـز يبنـي عمدهـا
يا صياف انا فالبحر لا اغرق ولا ادوخ
اوقـف لبوهـا واتـحـدى ولـدهـا

اخي القارئ الكريم/هكذا يرقى الشاعر الى القمه عندما يسمو بتفكيره وشعره فهو يخدم الشعر ويخدم نفسه

فالشعر القوي المؤثر موجود 0 اما اذا كان هدف الشاعر هو البحث فقط عن اللحن الجيد فلن يتعدى
مستوى تفكيره حتى وان كثرت حوله الاقاويل والتطبيل من اقلام الفزعات فالحق ابلج والباطل لجلج

كل شاعر اوردت له ابيات اولم اوردله ابات من الشعراء اللذين وضعوا لنا حجر الاساس المتين يستحقون اوسمة
الشرف والتكريم والتقدير والعرفان وهم من خدم ميدان المحاوره للامانه والحق يقال والله ولي التوفيق


سبحان الله العظيم عدد خلقه وزنة عرشه ورضا نفسه ومداد كلماته

منقول بتصرف من ابو العز..