السلام عليكم ورحمة الله وبركاته
اشوف فيه ركود بشعرانا والركود غير مبرر طبعا لابد من العوده للدروج القديمه والبحث ان لم يكن لدى الشاعر جديد هذا انا فتشت لكم بالدروج القديمه ورغم الغبار والربو الا اني هجيت لكم بهالقصيده
هذي مره كنا قانصين انا وسلمان العطيشان ومجموعه من اخويانا وكان مع العطيشان طير اسمه مكتوب عارضه للبيع الطير طيب وسبوق لاكن كفاخ ماهو راكد ولا يطلع المهم لقينا حبارى وهد عليها واحد من اخويانا وشمت الغربي وعجز طير خوينا وحل عنها وخلاها وهي مرتفعه بالخضيرا صاحو العيال على سلمان العطيسان مالها إلا مكتوب تقدم العطيشان وهد مكتوب ورقى لها بالنجوم وعلقها برقبتها وهو نازل هو وياها من فوق نشوفه يذكيها بالجو وقلت هذي القصيده وبعدها حلف العطيشان ما يبيع مكتوب وان يموت عنده
|
|
مكتوب لا يعرض على كل طمـاعويكفيه عيـن اللـي قليلـه وفوقـه |
يروع معه القلب لااطلـب ولا لاعسم الخريش اللي تبا الغيم عوقه |
ماهـو بـلا راكــد ولا هــو بـطـلاعلاكن ليـا طـارت وفكـت سبوقـه |
يحـرم عليهـا ماتعـدي مـن القـاعإلا وشـلال الـدمـا فــي شـدوقـه |
راعيه سلمان العطيشان لـه بـاعباعه طويـل ووافـيٍ فـي حقوقـه |
صقار صيته بين كـل العـرب ذاعحب الصقاره ساريٍ في عروقـه |
بالطير والمقنـاص والـذود مـولاعمتشـاركٍ بالقلـب طيـره ونـوقـه |
وله مجلسٍ تلقا به النـاس جمـاعلم الجماعـه والاصاحيـب شوقـه |
بينت مـا شاهـدت بالعيـن باقنـاعوالشاهـد الله والضمايـر صدوقـه |
نايف بن مياس |
|
مكتوب ماعاد هو للبيع......نايف بن مياس 
العرض العادي
