لا عــاد تـــنشد ما بـقى عـــــندي علوم

لا عــاد تـــنشد ما بـقى عـــــندي علوم=كـــــل العلوم المبـــــطيات تــخبرها
ما جــــــــيتك اشكي ميلة الوقت مزحوم=نفســي ليا ضاق المدى ما اخسرها
ياصاحبي كنت امس كنت امس محشوم=واليــــــوم هــج بجيتك واختصرها
خـلــك بعيد ابعد من العــــــــــام للــيوم=وادنى من احـــلام النجوم وقمـرها
بعــض الكــلام اللي تحــليه مســـــموم=وما كــل كـــف صافحتك تغــــدرها
كــــم طــيب ســــــاقـته الاقــدر لرخوم=ويا كــثر ناس تــنخدع في صورها
والحــر ما يشــــره على خـــنعة البـوم=الله رفع شـــانه ووطا قـــــــــدرها
لــــــو جــيتني كنك على الوجه ملطوم=بعــض الخـطايا عذرها مـا غــفرها
عنـــدي تساوت هرجــة العــذر واللوم=هــــذيك ما ابغاها وذيـــك احتقرها
زلــه وعـــدت ما حدتــني عــــن النوم=مرت ســلام وبـعد الله كـــــــدرها
انــا اعتبرها كبـــوة حصـــــــان ويقوم=وانت اعــتبرها زي مــا تـعتــبرها

مساعد الرشيدي

صح لسان الشاعر مساعد ربيع الرشيدي
ولاهنت اخوى على الاضافه الرائعه
تحيتي

ياهلا فيك ابو فيصل

اشكرك اخوي على الاضافه الرائعه
صح لسان الشاعر ولاهنت
تحيتي

صح السان الشاعر مساعد
أشكرك ع الاختيار الرائع

شكر الله لكما

مشكور يالغاالي
تحياااتي وتقديري لشخصك الكريم

صح لسان الشاعر

وشكراً لك

شكر الله لك

كــــم طــيب ســــــاقـته الاقــدر لرخوم

ويا كــثر ناس تــنخدع في صورها

والحــر ما يشــــره على خـــنعة البـوم

الله رفع شـــانه ووطا قـــــــــدرها

صح لسان قايلها وتسلم يمين ناقلها