البارحه ياطول ليل المشاريه

البارحة ياطول ليل المشاريه=بين اختلاف الراي واصل الحقيقه
الجيب ساري واسود الليل قافيه=اهو رفيق الدرب وانا رفيقه
حركت من شرق الكويت وشواطيه=اللي على بحر الخليج ومضيقة
لا يابحر لو تدري الصدر وش فيه=مااقفيت من شاطيك والصدر ضيقة
حدتني ايامي على شي مابيه=والمسألة ماعاد فيها طريقة
ماغير اروبع من قصيدي واغنيه=اللي مصبرني بما لا اطقيه
لأني ماسمي شي ماني مسميه=ولا احدث العاقل بما لا يليقه
اللي يجيني جعل ربي يحييه=واللي يروح يسهل الله طريقه
لا هاجر رجوله ولا مقيد ايدية=ولا ني زرار(ن) في حلوق الخليقه
واللي يجيب العلم واللي يوديه=تفوح له دله ويغلي بريقه
يرسل مراسيله ويندب محاميه=مبطي يدور في ملفي وثيقه
مايدري اني لا احتمى الموقف احميه=واحمي صديقه لو عدوه صديقة
تصغر فعوله قبل تكبر هقاويه=ويعيش في طيب الوجيه الطليقه
هذا زمن مره مغلف بحاليه=وضعوف الانفس بالنمايم غريقه
ياموتري قدمك اعراض المهاميه=وخلفك بساتين المواصل حريقه
للمترف اللي كل ماقال لبيه=يقولها ومن الخجل نشف ريقه
ياحي ابو داره وياحي طاريه=اللي من العلات يشفي رحيقه
واحلى منه مافيه واللي محليه=كله على بعضه مشاعر رقيقه
اشعلت له جمر القصيد وقوافيه=وسهرتله ليل العشيق وعشيقه
وعلمته اسلوب الغرام ومباديه=واشتقتله بالثانيه والدقيقه
حتى اصبحت كل المباني مبانيه=تاريخ وامجاد وحضارة عريقة
الله يغفر اخطاه والله يخليه=والله يحرسه من عيون الخليقه

محمدبن مريبد

واحلى منـه مافيـه واللـي محليـه= كله علـى بعضـه مشاعـر رقيقـه
اشعلت له جمـر القصيـد وقوافيـه =وسهرتله ليـل العشيـق وعشيقـه
وعلمته اسلـوب الغـرام ومباديـه =واشتقتـلـه بالثانـيـه والدقيـقـه
حتى اصبحت كـل المبانـي مبانيـه =تاريخ وامجـاد وحضـارة عريقـة
الله يغفـر اخـطـاه والله يخلـيـه =والله يحرسه مـن عيـون الخليقـه

صح لسان ابن مريبد
وتسلم يمناك النمر الأرقط

ابو الرجال
شكرا لمرورك على موضوعي وهذا شرف لي ووسام على صدري

صح لسان ابن مريبد
ولاهنت على الاختيار الجميل

صح لسان الشاعر
ولاهنت اخوى على الاضافه الرائعه
تحيتي

صح لسان ابن مريبد
وتسلم يمينك على النقل الجميل اخي النمر الارقط
تحياتي .

اخوتي الاعزاء
ابوحمد
غازي بن عجاب
الجديد
شكرا لمروركم على موضوعي وهذا شرف لي ووسام على صدري

قصيدة جزله
تسلم النمر

تسلمين اختي ريم
على المرور العطر