يانفس قولي وش اللي بـس تبغينـه ,,,

السلام عليكم ورحمة الله وبركاته ,,

يانفس قولي وش اللي بـس تبغينـه= قولي وأنا خابر أن لك وقت زهقانه
ألا بشـيٍ يمـس الديـن ويهيـنـه = والله لتبطين وأنتي حيـل مرضانـه
عزيت يانفس شانك بـس مسكينـه = الوقت يغويك مع مغـواة شيطانـه
يانفـس كـم واحـدٍ بالله تغوينـه = من لايهينك أكيـد يزيـد طغيانـه
ماهو بجاهلك دربٍ ويـن تمشينـه = ولاهو بغاويك وقتٍ صـك بيبانـه
زرعٍ زرعتيه والله غيـر تجنينـه = ياليت زرعك على توتـه ورمانـه
أنتي كما الطير مفتولـه جناحينـه = ولافيه طاير يطير بـدون جنحانـه
إن كان طيرك ينومس في ميداينـه = زرعت لك زرع كل الورد بستانـه
وإن كان طيرك على الآثام من حينه = لابد من يوم تنعـي فيـه جثمانـه
الرجل له كلمةٍ مـن فمـه اتدينـه = محسوبةٍ له إليا رآحت مـن لسانـه
من عاين النذل في ممشاه ياعوينـه =يبطي وهو نظرته من تحت سيقانه
النذل بالطيب يبخس فـي موازينـه =لاتقرب النذل ثم يروحـك دخانـه
جنب عن النذل لاتقـرب دكاكينـه =أقـل مشـروه لامريـت دكـانـه
ما عز نفسه ولاشـرف مخاوينـه =والدرس له نص شرحه عند عنوانه
العز والطيـب لـه نـاسٍ موالينـه = والناس واجـد وخلـق الله عيانـه
لا تتبع الهرج لاعسـره ولا لينـه = هرج القفى ماسقى له ناس عطشانه
الآدمي لو يطـول العمـر وسنينـه = لابد من يومٍ أقشر يتـرك أخوانـه
الفايز اللي ربح دنيـاه مـع دينـه = والخاسر اللي بعمره قـل بإيمانـه

الشاعر
جلال خلف القصيري

اخوى ابو حمد
صح لسان الشاعر ولاهنت على الاضافه الجميله
تحيتي

العز والطيـب لـه نـاسٍ موالينـه ,,, والناس واجـد وخلـق الله عيانـه
لا تتبع الهرج لاعسـره ولا لينـه ,,, هرج القفى ماسقى له ناس عطشانه
الآدمي لو يطـول العمـر وسنينـه ,,, لابد من يومٍ أقشر يتـرك أخوانـه
الفايز اللي ربح دنيـاه مـع دينـه ,,, والخاسر اللي بعمره قـل بإيمانـه

رائعة أخي ابو حمد
تسلم يمناك وصح لسان الشاعر

أخي ابو حمد
تسلم يمناك وصح لسان الشاعر

الفايز اللي ربح دنيـاه مـع دينـه ,,, والخاسر اللي بعمره قـل بإيمانـه
ابو حمد صح لسان الشاعر
وتسلم يمينك على النقل الجميل
تقبل مروري

اخوي النمر الارقط الف شكر على المرور لاهنت

سلمت ودمت اخوي الجديد على المرور الجميل

يانفس قولي وش اللي بـس تبغينـه ,,, قولي وأنا خابر أن لك وقت زهقانه
ألا بشـيٍ يمـس الديـن ويهيـنـه ,,, والله لتبطين وأنتي حيـل مرضانـه


ايوالله يانفس وش اللي تبينه
مشكور ابو حمد اضافة رائعة
صح لسان الشاعر وتسلم يمناك

ابوفيصل شكراً على المرور لاهنت

الاخت ميس اشكرك على المرور الرائع