خلي دموعك في عيونك وانا ابكيـك

خلي دموعك في عيونك وانا ابكيـك

خلي دموعك في عيونك وانا ابكيـك=خلي الحزن لي وانسي الحزن تكفيـن
انا خوي الحزن ما ارضى يخاويـك=ما ابغاك لو خطوه بدربـه تسيريـن
لا لطخـك بالله وشـلـون انقّـيـك=اذا غدينـا فـي ظلامـه مساجـيـن
ذاخـرك لايـام اجيلـك والاقـيـك=في عز لحظـات السعـاده تعيشيـن
لاشفـت بسماتـك تعطـر اشافيـك=والـى سمعتـك يـا حياتـي تهليـن
انسف حزن قلـب ٍ تتبـع خطاويـك=قلـب ٍ طـواه الهـم ذاق الامـريـن
وابي تعذريني ترى ما اقدر اعطيـك=ماغير اباخـذ منـك يابنـت شييـن
اباخـذ همـوم ٍ تعـكـر ليالـيـك=وابقسـم ايـام السعـاده لنصفـيـن
نصف ٍ ونصف النصف الآخر بياديك=واللي بقى بالنصف بقسمـه عشريـن
تسعة عشر لك ياهوى البـال تمليـك=وانا اباخـذ واحـد ٍ كـان ترضيـن
اما العطا ما اكـذب عليـك واخفّيـك=ماعندي الا روحي ان كـان تبغيـن
تفداك روح ٍ هايمـه ياهـوى فيـك=عسـاك فيهـا يـا هواهـا تحسيـن
بعـد السفـر الله يعيـن متحـريـك=على ثـلاث شهـور فيهـا تغيبيـن
ابـوعـدك والله مـانـي بناسـيـك=وابطلبـك يابنـت ليـاك تنسيـن
خلي دموعك في عيونك وانا ابكيـك=خلي الحزن لي وانسي الحزن تكفيـن

رآآآقت لي

انا خوي الحزن ما ارضى يخاويـك
ما ابغاك لو خطوه بدربـه تسيريـن
شكراً ميس
انتقاجداً رائع سلمت اياديك
وصح لسان شاعرها

القديره
ميس الريم
كعادتك تأبين الا النقل المميز صح لسان الشاعر
ولاهنتي ايها القديره
تحيتي

اقتباس:
المشاركة الأصلية كتبت بواسطة ابوحمد
انا خوي الحزن ما ارضى يخاويـك
ما ابغاك لو خطوه بدربـه تسيريـن
شكراً ميس
انتقاجداً رائع سلمت اياديك
وصح لسان شاعرها



مشكور ابو حمد مرورك الأروع
دام جودك ووجودك
تقديري لك

اقتباس:
المشاركة الأصلية كتبت بواسطة غازى بن عجاب أبوزوايد

القديره

ميس الريم
كعادتك تأبين الا النقل المميز صح لسان الشاعر
ولاهنتي ايها القديره

تحيتي

اخي القدير غازي بن عجاب
كما تأبى إلا حسن المرور في مصفحي
دام جودك ووجودك
شكرا لك