بعض العيون عتابها يشبه النوح !!!!

من علمك شرح المشاعـر بـلا بـوح=يالـلـي سكـوتـك للتخـاطـب وسـيـلـه
بعـض الكـلام احيانـاً يسبـب جــروح=لــذا يـكـون الصـمـت فيـهـا فضيـلـه
محلا النظر للعيـن ومخاطـب الـروح=بالعيـن ياراعـي الـرمـوش الضليـلـه
الناس قالـو راعـي العشـق مفضـوح=لويخـفـي الـعـشـق بـنـهـاره ولـيـلـه
العـيـن تـشـرح ماتخفـيـه بـوضــوح=والـلـي اقـولـه فــي عيـونـك دلـيـلـه
لو عشت عمري قد عمر النبي نـوح=سـخـرتـه لــربــي وثــــم للجـمـيـلـه
اهــواك كلمـه مابـهـا شك ومــزوح=اهــواك واهــوى ديــرةٍ تنتـمـي لــه
واللـي كتـب خافـي المقاديـر باللـوح=غـــلاي تـتـعـب مـاتـلاقــي مـثـيـلـه
في نظرتك شوقك ولـو ماتبـي تبـوح=شـافـوا غــلا وائــل بعـيـن الجليـلـه
لـغـة ولا تبـغـى تفاصـيـل وشـــروح=راعـي الهـوى يفهـم نواظـر خليـلـه
بعـض العيـون عتابهـا يشبـه النـوح=تبـعـث لــك بنـظـره عتبـهـا تشـيـلـه
وانتي عيونك داخلـي تبنـي صـروح=ثقيـل مبنـاهـا وانــا ازريــت اشيـلـه
مسكانـك بقلبـي لـك القـلـب مفـتـوح=محتـاج اشوفـك مـن سنـيـنٍ طويـلـه
يابـنـت شـيـخ بطيـبـه دلالــه تـفـوح=وقـبـيـلـتـك والله ونــعـــم الـقـبـيـلـه
ابــوك واخـوانـك دوا كــل مـجـروح=لــذلــك انــتــي يالأصيلـه...اصـيـلـه
انتـي خطـاك بحـق مغليـك مسـمـوح=لأنــهــا الـغـلـطـات مــنـــك قـلـيـلــه
وصفك شموخ وصافي الوجه مملوح=وإشـراق بـخـدودك وعيـنـك كحيـلـه
ماقلـت لـي يامـالـك العـقـل والــروح=من علمك تشـرح بهـذي الوسيلـها

----
مما راق لــــــــــــــــي ،،،،
م/ن

ماراق لك الا الجزل يا شاعرٌ يملك الجزاله في الشعر والخطابه
دائماً مبّدع في كل حالاتك الف شكر ابا عبدالعزيز على جمال الانتقاء
لاهنت

القدير
خلف بن عتاق
هل هي من قولك ام من منقولك والله مدري
إن كانها من قولك صح لسانك وإن كانها من منقولك سلمت يمينك
تحيتي

بعـض العيـون عتابهـا يشبـه النـوح
تبـعـث لــك بنـظـره عتبـهـا تشـيـلـه


خلف الفريد
ماينقل إلا اللي ماله خلف من القصيد بالجزاله
والأصاله
مشكور يعطيك العافية
والله الله لاتبخل علينا

احبتي واخوتي
ابو حمد
ابو فيصل
ابو الرجال
،،،،
مايروق للشاعر يعني انه ناقل له ...
وهذه قصيدة راقت لي فرأيت ان انقلها هنا لانكم تستاهلون ...
شرفني مروركم وطيب مشاعركم وثقتكم الكريمه
لاعدمتكم

صح لسانك عندليب المجالس
وشكرا على الاختيار الموفق
تقبل مروري