مجاراة حبيب العازمي لخالد عبدالرحمن

مجاراه الشاعر حبيب العازمي
لقصيده خالد عبد الرحمن (انا وخالد)




قصيده خالد عبد الرحمن (انا وخالد)

ماني بهماز ولاني بلماز =كل الخطا مايرث الاالحسايف
نفسي مااكلفها ولاني بمعتاز=للي بدا من عشرته كل هايف
احتاج عشرة طيب الذكر معناز=يشيل ثقل حمولها والخفايف
حتى ولو خون بعض حظ ماجاز=أرجي قضاها مقبله كل طايف
وش يفرق الشاهين والحر والباز=الهد واحد والطلايق صنايف
وانا مع اللي ذكر بالطيب منحاز=ورجلي ماسندها دروب السفايف
ذاوقت فيه الرجل يبرى وينراز=ان ماسقط ولا بروس النوايف
هني منهو بجمل أخصالها فاز=فاز وكسبها والمكاسب صلايف
حمامتي غني ترى الصوت هزاز=للي خفوقه مولعه بالولايف
باتبع هواي اللي ملكته وباجتاز=حدن وراه حدود والبال كايف
باجري وانا خالد ولي رمح ماهاز=الا وسقته في نحر كل عايف
لي في ربوع الارض رايه ومركاز=لاهي بمغشوشه ولاهو بزايف

مجاراه الشاعر حبيب العازمي

يامكثر الاصحاب عادي وممتاز=والفرق في ظرف الدهر يابو نايف
كل الحياه احلام واسرار والغاز=غيرك ترى شايف مثل منت شايف
عكسك يجي بالناس لماز هماز=ومثلك يشوم عن النفوس الضعايف
مادام لك في مجلس العز مركاز=مهما تقول الناس منت بخايف
حط الحطب فوق الحطب وانثر القاز=شيل الثقال ولا كثير الخفايف
من لايهوز الضد بالضد ينــــــــهاز=ويخضع لحد الساطيات الرهايف
والعشق لقلوب البشر يعطي العاز=سيرو لعشق معسلات ال**
وكم واحدٍ عشقه بقا قيد واحجاز=ويسقي عيونه بالدموع الذرايف
حاولوحاول فالنهايه ولااجتاز=قدمه عوايق في طريقه واحايف
حظه يسويله حركات جنباز=وقلبه يلوفه بين الاضلاع لايف
مهما يحقق في حياته من انجاز=ماعوضه دم الجروح النزايفه
واقبل تحياتٍ مثل عـــــطر قزاز=ولاهنت ياراع العلوم الطرايف

يامكثر الاصحاب عادي وممتاز=والفرق في ظرف الدهر يابو نايف
كل الحياه احلام واسرار والغاز=غيرك ترى شايف مثل منت شايف
عكسك يجي بالناس لماز هماز=ومثلك يشوم عن النفوس الضعايف
مادام لك في مجلس العز مركاز=مهما تقول الناس منت بخايف

صح لسان الشاعر
وسلم يمين الناقل
مشكور عبد العزيز

صــــح لسان ابـو فيصـل
ويعطيــك العافيـــه استاذ عبدالعزيز

صح اللسان الشاعر
ونحن نقول لك شكرا ع النقل

عبد العزيز تقبل وافر التحايا

صح لسان الشاعر
وسلم يمين الناقل
مشكور عبد العزيز

كل الحياه احلام واسرار والغاز=غيرك ترى شايف مثل منت شايف
عبد العزيز العبلان صح لسانك ولسان الشاعر .وشكرا على النقل الجميل .تقبل تحياتي

الاعزاء
ابو الرجال

وعبدالعزيز

وابن منصور

والنمر الأرقط

والجديد

لاهنتم على التواجد والمرور المشرف

تحيتي لكم

والعشق لقلوب البشر يعطي العاز=سيرو لعشق معسلات ال**
صح لسان الشاعر حبيب العازمي ولك الشكر

الشاعر
عبد العزيزالعبلان
الشاعر حبيب العازمي أجاد المحاوره والنظم
ولإنك شاعر إخترت فأجدت الاختيار صح لسان الشاعر
ولاهنت يالغالي على الاختيارالموفق
تحيتي

لاهنت يابن مياس على تواجدك

ومرورك المشرف