قصيده من الضعيني الى ابراهيم بن رجاء المخلفي

أهداء من معيض علي الضعيني الحربي إلى الأخ والصديق ابراهيم رجاء المخلفي الحربي ( أبو عمر ) ياراكب اللي مصممينه خواجـه=جمساً جديد وماوقف بالكــراجي مديله الإلفين والسبع تاجـــه=لمن اشتغل مغير يرهج ارهاجـي سواقه اللي لامشى من مزاجـه=رايه حكيم ولامشى بنعواجـــي والعصر قله بالرياض انتواجـه=عند الذي تلاقه طلق الحجاجــي يجلس مجالس ما تهرج السماجه=ولاهو من اللي ينقلون الهراجي أبو عمر راع الكرم والمواجــه=هو الذرى لصار برد وعجاجــي راع الصخى والجاه والنبهاجـه=لمن وصلته صار صعب الخـراجي عطه الرساله بضحكتاً ونبلاجـه =وصل سلامي والعلوم المهاجــي وقله أبو وليد يطلب ادراجـــه=ضمن الكشف بالنقل لخوه لاجــي وسط الجبيل وساكن بنزعاجـه=وحمله ثقيل وعايشً بنزعاجــي والحر مثلك فاهماً كل حاجـــه=وظروف هذا الوقت فيها انحراجي ابغاه ساكن بالخبر بندماجـــه=ولا بنقله للحفر هو مــــزاجي ولك السوابق عاليه في براجـه=وارفعلك البيضا بعالي البراجــي كثرت مطاليبي وعندك اعلاجه=الماء شربته عذب ما هو هماجـي واختم كلامي وشكرك بزدواجه=واكرره اعداد ما الحج فاجـــي حرر في 1/1/1428هـ ابووليد

اشكرك اخوى عبدالعزيز العبلان على التنسيق وتقبل تحياتي واحترامي
ومنتدكم جميل وانتم اجمل

صح لسانك ولاهنت ابا وليد
على الاضافه الجميله
تحيتي

تسلم ...تسلم ...
على الاضافة الرائعه
تقبل مروري لك

الاخ غازى ابن عجاب ولاخ ابن مطيع تحياتي لكم ومروركم عطر صفحتي