مساجله بين عبدالله باتل الرشيدي و عبد الرحمن الشمري

أصبحت واعي واصبح الملك لله
قبل طلوع الشمس والليل ولا
نهار يغشى الليل والليل يغشاه
والليل يغشى والنهار يتجلا
في وسط سجن عشت فيه المعاناه
ماني بسالي فيه لوا تسـلا
احيان اهوجس فيه واحيان أقول آه
واحين اسكن بين ليت ولعلا
سجنً قوي الباس الله يـــقــــــــواه
لاطبه العاصي من الناس صلا
سجنً ليا جاه الولد تاهت اريـــــاه
ولكلن عنه لوكان طيبه تــخلا
ما تجيب فيه الواحد الاخطايــــاه
أو خدعةً من واحداً فيه هــلا
وخطاء المجرب يوم ماضيه ينساه
وهو قد اونس نار ماضي تجلا
والسم في وسط الدسم نوب تلقـــاه
وتخدع ليا من القدم فيك زلا
والذيب هذا الوقت يجفل من الشـاه
وتروعه نوباً لحمةً تــــــدلا
وعليك لحل القدر ونت ويـــــــــاه
مثل الطلي تمسك وعينك تحلا

*************

أصبحت حي وقلت أنا الحمد لله
واجب علي أشكر عزيز تعلا
وطلبه زود الصبر والصبر محلاه
يا بخت منه قام فيه وتحلا
اقفى سواد الليل والنوم وياه
هذا نهار بساحة الكون حلا
احيان ادله وترك الحزن وأنساه
وافرح ليا قيل السحاب أستهلا
واحيان كني من غشى السم يمناه
مايحتمل مجلاس شمسً وظلا
بأسوار سجن يوحش القلب مبناه
حتى صحيح الجسم به يستعلا
تلقا به اللي ينتخي يوم تنخاه
وتلقابه الهيس الحقير المجلا
وتلقابه اللي تعطي الخير يمناه
طبعه ليا شاف المسايير هلا
هذي هي الدنيا من اول عرفناه
مثل الشجر مابين شوك وفلا
والمبتلي الله يعينه ابلواه
حيثه لصعبات المشاكل يحلا
ويامنبتً بذر الفياض المحيلاه
تفرج لمنه من عناء الوقت ملا
تسوق لنفوس المشاكيل بشراه
بفراق سيباً ساكن فيه بلا

صح السنت الشعراء
وشكرا على النقل الجميل
تقبل مروري

هلا وغلا فيك مشكور على المرور العطر

تسلم ع الاضافه