الى نواف هلال....نايف بن مياس

نواف خطي وصلك من القصيم=بانت معانيه وانت افطن لها
وانا ادري انك بخطٍ مستقيم=عديت عيطاً ما احد يا صلها
كانك تبا الراي من راس الحكيم=اللي دروب الرجال ايدلها
لاتامن الوقت وعيال الحريم=واياك دق العلوم وجلها
سمعت كلمة غشيمٍ من غشيم=والناقصه ناقصٍ كملها
مدري صياح الهرم وإلا فطيم=وإلا يريد المعالي كلها
وانا يا نواف والله العضيم=لولا بيوتٍ يضلل ضلها
لا اشب نار التحدي في هشيم=واللي يحمل السيوف يسلها
لاكن ابا اصير بالدعوى حليم=والطامنه مانبي نطمن لها
بينت معناي وافهم يا فهيم=وناسٍ تعدي حدودي قلها

ابن مياس

قصيدة جزلة ومسندة لشاعر يفهم العلم ويجيد الرد ...
فيها من المعاني المبهمه التي لايعرفها الا الشعراء واهل الشأن
يعني (متعوب عليها) كما يقال ...
صح لسانك ابو ارجوان وبانتظار رأي ورد شاعرنا الكبير ابو وافي
لاهنتم لاهنتم

ابشروا بالسعد بس ابي لي تكتكه للموضوع وراجع لكم ....وشكرا ً ابو ارجوان وموضعوعك مهم جداً
....وبرضه الشكر موصول لابو عبد العزيز على الثقه التي اتمنا ان اكون قدها

ياودي بالمجاره لكن أني أشجع

النصر وهاليومين لك على

نتائجه

ع العموم صح لسانك يابوارجوان

أهتم بأمورالزواج وخل عنك

هالمتفرغين والمتقاعدين

الله يوفقك ويسر أمرك

اخوى نايف بن مياس
لاهنت وصح لسانك قصيده طيبه وننتظر
الشاعر الكبير نواف بن هلال ورده الجزل
تحيتي

الشاعر نايف بن مياس صح لسانك وعلا شانك

قصيده جزله من شاعر جزل

أبو أرجوان
صح لسانك متألق دائماً

صح السانك ابو شليويح بنتظار جديدك ......
تقبل مروري

اقتباس:
المشاركة الأصلية كتبت بواسطة نايف بن مياس..

نواف خطي وصلك من القصيم=بانت معانيه وانت افطن لها
وانا ادري انك بخطٍ مستقيم=عديت عيطاً ما احد يا صلها
كانك تبا الراي من راس الحكيم=اللي دروب الرجال ايدلها
لاتامن الوقت وعيال الحريم=واياك دق العلوم وجلها
سمعت كلمة غشيمٍ من غشيم=والناقصه ناقصٍ كملها
مدري صياح الهرم وإلا فطيم=وإلا يريد المعالي كلها
وانا يا نواف والله العضيم=لولا بيوتٍ يضلل ضلها
لا اشب نار التحدي في هشيم=واللي يحمل السيوف يسلها
لاكن ابا اصير بالدعوى حليم=والطامنه مانبي نطمن لها
بينت معناي وافهم يا فهيم=وناسٍ تعدي حدودي قلها

اسلام عليكم ورحمة الله وبركاته اتمنى تنال اعجاب الكل واتمنى ايضاً ان اكون
وفقت بالرد على اخوي الشاعر نايف بن مياس

مرحباً مليون ترحيبة كريم=في مناديب الرفاقه كلها
ياحكيم الراي بالعقل السليم=كلمتك لو عتدتها ماملها
من يقول انه على الساحه زعيم=الضعوف ان طبلت طبللها
قله انه كل قوله بالصميم=ومثل ماقال الغيداني قلها
كنه الهايلوكس مديلاً قديم=كل ماهي تفتفت دبللها
لاتناقش صاحب العقل السقيم=كلمتين يزلها وتزلها
ثم تروح السالفه مع سين جيم=عند اصحاب العقول ...وحلها
لو سمعت الرعد غادٍ له هزيم=للكبوش امهل ولا تهملها
من فتح بابه على باب الجحيم=طش كبده بالجحيم وخلها
وانبسط وارتاح يالحر العديم=وابتسم بين العباد وفلها