قصيده رائعه للشاعر مطلق البخيتان الشمري في رثاء زوجته .
هذا الشاعر كان وفيا لزوجته حتى بعد مضي اثنا عشر عاماً على وفاتهابينماهناك بعض ازواج وزوجات يبكون اياما ثم يتزوجون وينسون وكأن شيئا لم يكن ولا اعمم بذلك على الجميع اقول البعض وهاهم الأوفياء سدد الله خطاهم .
عذب السجايا دمـوع العيـن يرثنـه = باللحد الاظلم عليـه القـاع مردومـه
من غير ماصف وصوف الحور يشدنه = اللي فراقـه جعـل دنيـاي مكتومـه
لو ذاق حزني ملاك المـوت ماضنـه = شاله وخلا لـي الوغـدان وهدومـه
يا مرها لاسمعت مـن الوغـد ونـه = يا شينها فاجعـات الوقـت وسلومـه
قالوا يبـه ودنـا قـم ودنـا الجنـه = نبي نشـوف امنـا وننـام بكمومـه
يبون مثـل خوياهـم والجـدى ونـه = آمنت في دبـرة الخالـق ومقسومـه
ياطول حزني عليهـا ماقـدر آكنـه = ماينفعن ليت لـي يـوم قبـل يومـه
اثنا عشـر عـام عجـزن لاينسنـه = موتـه لقلبـي زمهريـره وزقـومـه
هي جنة ذقتها غيـري سمـع عنـه = مايرومه الوصف مهما جاد مايرومـه
يا وسع عـذر الدمـوع اليـا تباكنـه = مالي جدى الا الونين وقول مرحومـه
حنيـت حنـة خلـوج شالتـه دنـه = وحوارها شوف عينه قسمت لحومـه
وونيـت لـي ونـة ماونتـه شـنـه = بيد العقيدي من المسحـوب مهمومـه
وارسلت لي صيحـة ماعـودت منـه = ولا زلت اراجي بشير الخير بعلومـه
عسـاه بالخلـد والانهـار يسقـنـه = في روضة من رياض الخير محشومه
وصـلاة ربـي عـدد طـش يهلنـه = غر السحايب على محمـد وتسلومـه
................................................ دمتم بخير .................................................. ............................................... فارس الحرف
العرض الشجري
