ياصاحبي لاصار مانت بكفـو لامنّـك حضـرت

السلام عليكم ورحمة الله وبركاته
هذة القصيدة للشاعر/سعيد بن مقبل الاكلبي

ياصاحبي لاصار مانت بكفـو لامنّـك حضـرت=ماعاد ابي لك فزّعةٍ عندي ولابي لـك حضـور
لاصار ماجا للروابع في مجـال الطيـب كـرت=فلاخير في نفْسٍ تفاهق فـي مهمـات الامـور
انا على درب الوفا واهل الوفا والطيب سـرت=ولاينومسني خـوي الـدرب لاصـار مْعَثـور
ماهمّني لاقالوا انك شنـت فاصحابـك وبُـرت=مالي ومال الخوة اللي مـن دبـورٍ فـي دبـور
ولاتحْسب اني لاخِسرت مقابلك انـي خِسـرت=لابالله الا فكّنـا ربـي مـن قصـار الشْـبـور
لاصار منت بمحْزمٍ لـي لابغيـت اثـور ثُـرت=مانيب ابي لي محْزمٍ لاقمت فـي جنبـي يثـور
رح غير مأسوفٍ عليك وياكُثر صبـرٍ صبـرت=على مثل شرواك ممـن خِوّتـه خـوّة عبـور
والا انت ياللي في دروب المرّجلة سِرْت وعبَرت=ليتك تويق تشوف مقدار الغلا لك في الصـدور
ياللي ليا منّي نخيتك ساعـة الفزعـة طمـرت=ماتحْسب حسابك مع الطمرة ثرى والا صخـور
طمرة حصانٍ دونهـا يالكفـو والله ماقصـرت=الا وفيـت وجمّـل الله حالـك وماجـا قصـور
في ساعةٍ كان العُذر يمنعك منّي مـا اعتـذرت=ياطيب طيبك يوم شِلت الحِمل يالشهم الصبـور
خوّتك هذي عندي تجارة لـو انّـي ماتِجـرت=شيك ورصيدٍ فـي حسابـي لابغيتـه مايبـور
خـوّة رْجـالٍ ماتغيّـر لاكِبـرْت ولاصِـغـرت=ماهي بِتغّذَى من حليب المصلحـة حـده يفـور
خوّة زحـولٍ تسنـد البنيـان لامنّـك عمْـرت=تِرّفع علـى خُوّتهـم بنايـات وتعَمَّـر قصـور
اما كـذا ياصاحبـي وقفتْـك لامنّـك حضـرت=والا فلابي فزّعِتك عندي ولابـي لـك حضـور

قصيدة رائعة تسلم المشتاق على ذا الاختيار
وصح لسان الشاعر

ميس الريم

اسعدني تواجدك