تهت يالتايه وضيعت الدليل.....نايف بن مياس

تهت يالتايه وضيعت الدليل=لاتطاول ماتطولك الكتوف
تحسب انك شاربٍ من سلسبيل=مادريت انك على بيرٍ جفوف
الضماء قافيك ماتلقا مقيل=ما حسبت الوقت يوم انك تسوف
لاتدس الراس وتشب الفتيل=تمتلك وجهين والعالم تشوف
عشت بالدنيا على قولٍ وقيل=ودك ان الناس حاذف ومحذوف
لالمحت الضول شمرت الشليل=وانت ماتقدر على سل السيوف
ماتفرق بالاصيل من العصيل=تدعي بالدين وتدق الدفوف
لاتقول انك على العالم وكيل=مايسد الناس هيكل دون جوف
شفت خرج الراحله مابه حصيل=والجدا تفرك براحات الكفوف
عن دروب الناس دور لك سبيل=والله اللي يشتكاله بالضروف
كان تبغى العلم والراي النبيل=والله انا ماحسبنا للضعوف
مانلد العين بالهرج الهزيل=وان وقفنا ننتف الشارب نتوف
وان تكلمنا وقدمنا الدليل=قالوا العربان فرقت الصفوف
الامر لله والصبر الجميل=يرضي الزعلان لا صار امخلوف
نايف بن مياس

صح السانك على القول الجميل
اخي نايف
لاهنت شاعر وموفق انشالله
تقبل مروري

صح لسانك يابن مياس والله انك شاعر مبدع ......... لاهنت

صح لسانك يابن ميّاس
لاهنت وننتظر القادم الجميل
تحيتي

عشت بالدنيا علـى قـولٍ وقيـل

ودك ان الناس حاذف ومحـذوف

ياكثرهم الله لايكثرهم

صح لسانك يابو ارجوان

تحيتي لك

عن دروب الناس دور لك سبيل ** والله اللي يشتكاله بالضروف

ابن مياس صح لسانك وعسى أن يستجيب .. تقبل مروري ..

صح لسانك نايف
قصيدة غاية في الابداع
تقبل وافر التقدير

أبيات متلألئة يتخلجها المعاني الحكيمة في وصف بعض النفوس الرديئة
دائما مبدع أخي نايف بن مياس
صح لسانك وسلم رأسك

سلمت وصح لسانك انذر وأدب يابن مياس يحقلك ...دامك من ملاك المخزون الاحتباسي

انا ادري وانت تدري .الشكوى لله مرضي الناس كايد ...كل شخص يبقى على طبعه لو تصنع ولو ضحك .ولو قال لك كيف حالك .

بغض النظر من يكون .. تقبل تحياتي . . والف الف مبروك على فكره الطير بعنياه ترا بيهلك السنه هذه ..
تصدق اني احسبك متزوج وعندك اعيال من افكارك مشاء الله علييك ....الا اذا كانت الثانيه فتقول وتطول.....وشجعتنا واصبر علي ان الله كتب اجيك برسنها

اقتباس:
المشاركة الأصلية كتبت بواسطة ابوحمد
صح لسانك يابن مياس والله انك شاعر مبدع ......... لاهنت
صح بدنك والله انها شهاده