مساجله بين الشاعرين عبدالله سمير الحربي والشاعر محمد بن عبيدالله الحربي

أرسل الشاعر/ عبدالله بن سمير الفريدي (ابو فايز)هذه الأبيات للشاعر /حامد بن عبيدالله الفريدي وكان والمقصود في
مضمون القصيده الشاعر /محمد بن عبيدالله الفريدي

لابديت القاف بالشد والضمه = إنخزى اللي يدعون الشياطيني
راكب اللي يطوي البعد ماهمه = مايهمه بالمسافة نهاريني
وارد الألمان يكفيك بالقمـه = والقطع ماقيل تجميع بالصيني
إن هوى يشبه لك الفهر بالجمه = وإن زمى يلحق أفروخ الشياهيني
تفرد الجنحان بالجو وتضمه = ماتقارن به مثل رمشه العيني
من تمسك مقوده ينجلي همه = كنه اللي رابحن له ملاييني
نصه اللي يفهم العلم مايخمه = حامد الردمان مافيه تخميني
وإنشده عن الرعن صاحب الهمه = أبو مشعل ريف من جوه عانيني
ليش أبو مشعل على عفشه يلمه = معذرن بالملك والربع الأدنيني
كان قصده دين لرهن له الذمه = مطلب محمد على الرأس والعيني
والرجل لاإنظام ينصا بني عمه = قالها من جرب العسر والليني
والله اللي يجمع الشمل ويلمه = جل شان خلقه العبد من طيني

_________

رد الشاعر / حــــامـــد بن عبيدالله الفريدي

من ضميرٍ ينحت القاف من صمه = دام به دافع على القاف يعطيني
مرحباً بالخط واللي بعد تمه = خط أبو فايز بيوته مثاميني
أرسل المندوب بالخط من يمه = من على اللي سكبته تعجب العيني
وارد الألمان مافيه ماذمه = واردن من مصنع له إبرليني
لاعطاه السائق اللي عقد كمه = مقدمه عن مخيره زاد شبرين
سامعن علمن مع الناس ويهمه = وعنه خذ تفسير فيه المظاميني
أبو مشعل باع بيعن على يمه = والله يعوض الأجاويد ويعيني
باع ملك الملك والله فرج همه = أزمه وعدت وأبشرك في حيني
سدد وقارب عسى المبتغى إتمه = من يظن بخير في قلبه إيقيني
ماتركها إعياف له همه إمهمه = ولابه إقصور بكل ربعن أمواليني
وكل رجلن طبعه إيشاف في دمه = يكفي العارف نظر فيه ويبني
والجمل حملة لو يزود يزتمه = وكل مازادن إحموله له براهيني
وكل حملن يظهر الحيل في كمه = والرجال أشكال بأصل أو معاديني
والهواء ماهو على الكيف واليمه = والليالي للبنادم مكاميني

صح لسان الشاعرين


وتسلم يمينك اخي على النقل

صح الله لسان الشاعرين ابدعو يعطيهم العافيه

مساجلة رائعة جدا بين شاعرين كبيرين ...
صح لسان ابو فايز وصح لسان ابو مشعل ...
وشكرا لك الذعذاع على الاضافة الرائعه
لاهنت

ذعذاع الشمال صح لسانك ولسان الشاعر/ ابوعادل حامد الردمان ولك تحياتي ..

تسلم اخوي القدير