تعيش وتاكل غيرها !!!!!

قبل يومين اراد العود ان يستريح مع الشباب في *استراحتهم * هنا ... وقد شده موضوعٌ
غريب عنوانه ، ولكن اسم صاحبه قد زانه ، فدلفت ميمما ونظرتي الى السما ...
وعندما اكلتها ، كانت مواساتي (تعيش وتاكل غيرها)
واذ لم يفد التهديد .. لجأت الى القصيد

لي قصةٍ مثل الخيال=ماتنحكي لولا المجال
تبعت لي عدّة رجال= (مع جرّةٍ ماغيرها !! )
مرتاح وقدمي كم خويْ=ومن "اسمها" كنت رهَوِيْ
لكن انطلق صوت انثوي= (تعيش وتاكل غيرها)!!
قلت اكلوها اسودنا!!=عن العرب وش زودنا!!
قالت وانته ياعودنا!!= (تعيش وتاكل غيرها)!!
قلت الثقه يابنيّتي!!=شايبك وعلى نيّتي!!
قالت هدفك مبيّتي!!= (تعيش وتاكل غيرها)!!
قلت مالنا حقٍّ عليك!!=يوم القلم طوعٍ ليديك!!
قالت تبينا نستثنيك ؟!=(تعيش وتاكل غيرها)!!
على الاقل قولي ترى!!=شيباننا ترجع ورى!!
قالت سرى الساري سرى!!=(تعيش وتاكل غيرها)!!
قلت اسمعي يالغاليه!!=هالحين ارتحتي ساليه؟؟!
قالت وبهمّهْ عاليه!!=(تعيش وتاكل غيرها)!!
قلت ان حيينا يامره!!=لا اردّ لك هالجرجره!!
قالت: انا عن عشره!!=(تعيش وتاكل غيرها)!!
قلت السنين اللي مضت=روّضتها ماروّضت!!
قالت علومي ماقضت!!=(تعيش وتاكل غيرها)!!
قلت افزعوا لي ياشباب!!=وتفرقوا مثل السراب!!
قالت كد حتّيت الزهاب!!=(تعيش وتاكل غيرها)!!
ورديت بصوتٍ منغمت!!=استسلمت مااستسلمت؟!!
قالت عويدٍ يشتمت!!=(يعيش وياكل غيرها)!!
واقفيت وحالي ماتسر!!=يالله الفرج بعد العسر!!
ورفعت راية من خسر!!=(ونعيش وناكل غيرها)!!

قلت السنين اللي مضت
........... روضتها ماروضت ........ كفو ابو عبد العزيز
وصح لسانك مليون.............
................................................
المسامح كريم يابوعبدالعزيز لاعدمناك
خصوصاً واختنا الكريمه تستحق السموحه
واعتقد لا بل اجزم ان ماخط قلمها كان من باب المداعبه
وتعيش يا شايبٍ بروح الشباب .. لاهنت

قـلــت ان حـيـيـنـا يــامــره!!

لا اردّ لــــــك هـالــجــرجــره!!

قـالـت: انــا عـــن عـشــره!!

(تعـيـش وتـاكـل غـيـرهـا)!!

كفو اخي ابو عبد العزيز عز الله انك رديتها بأجمل الكلمات وأسمى المعاني
ابيات قمة في كل مابها من مباني
جميلة جدا من فكر رائع جدا
وبالمنطق يسلم وبالشعر له سلم
اخجلتني وياليت تعذرني
سوف اطرح من هذه المواضيع كثيرة
حتى تعيشو وتأكلوا غيرها وتردوها بأبيات نستمتع بها
تعيش وماااااااتأكل غيرها
يعطيك العوافي لأنك بالقصيد وافي

تكفى يابو عبدالعزيز
لاتاكل غيرها هذى تكفي وخلاص
ههههههههههههههههه
ترى الشباب لهم مقالب والشياب على نياتهم
تسلم على هالمداعبه الشيقه
تحيتي

اقتباس:
المشاركة الأصلية كتبت بواسطة غازى بن عجاب أبوزوايد
تكفى يابو عبدالعزيز
لاتاكل غيرها هذى تكفي وخلاص
ههههههههههههههههه
ترى الشباب لهم مقالب والشياب على نياتهم
تسلم على هالمداعبه الشيقه
تحيتي



غازي بالله وش بحرها وأي نوع

من الشعر مربوع مثولث منكوس

مجالسي أنتظر ردك

الفريد صح لسانك وكل مايجي من بؤك

حلو ياحلو تقبل مروري

والله يابو عمر مالمسؤل اعلم من السائل
لكن تذكرت حاجه
الحداء مامر عليك وحنا مبطين عن الحداء
ماسمعنا له طاري لكن العود قام يحداء
إجابتي حسب عرفي وانا ما دري يمكن غلط
تحيتي

اقتباس:
المشاركة الأصلية كتبت بواسطة غازى بن عجاب أبوزوايد
والله يابو عمر مالمسؤل اعلم من السائل
لكن تذكرت حاجه
الحداء مامر عليك وحنا مبطين عن الحداء
ماسمعنا له طاري لكن العود قام يحداء
إجابتي حسب عرفي وانا ما دري يمكن غلط
تحيتي



حد عرفي أن الفريد لم يسرح مع الأبل

ولم يسقيها على الماء ويصغر أي كون

ومن هذا الباب لم أتوقع أنه يجيد

نظم الحداء وماأعرفه عنه أنه رجل

صادق وسوف يجيب بصراحه

أنتظره ليفرق الخلاف بيننا

حقيقة حلوه منك ..

ابوعبدالعزيز لاااااااااازم يسجل موقف

ماعنده وقت

يحفظك ربي

صح لسانك يابو عبد العزيز على هالحداء القصير المروبع وهاذا طرق اهل الششمال بالغالب على نفس الطرق مشكور
على كل شئ وجعلك ذخر ومنك نتعلم يابو عبد العزيز ...وطلبك على البال

الاحبه....
ابو حمد
مرورك اسعدني لاهنت ولا تقول لي انك ما اكلتها !!!!ههههههههههههههههههههههه هههه
____________________
ميس
اعيش ولا اكل غيرها !!!! وش هو عقبه ههههههههههه
اسعدني وابهجني مرورك هنا وهناك ولولا وعدي وطلبك ماوضعت هذه البويتات من باب
المداعبه والفرفشه مع الشباب ...
صح بدنك لاعدمتك