من غير ليه للشاعر عبدالله باتل الرشيدي

من غير ليه

من غير ليه وغير قصه وتحديد=غاب القمر وابطاء على ابمغيبه
والنفس من ذكراه فيها تناهيد=تمسى من اسبابه وتصبح كئيبه
ودونه وعوره بالدروب وحواسيد=صعب وصعب صعب صعبً صعيبه
مثل السراب اللي يطارد مع البيد=كيف التقيبه كيف كيف التقيبه
وعليه ليلي كل ليله سراميد=عيت عيوني نومها تهتنيبه
وعيا عنه قلب الغرابيل لايحيد=حاولت اسيبه مير عيا يسيبه
تنكيد بعض احيان واحيان تعقيد=مدري نصيب فيّ ولا نصيبه
وعني بعيد بعيد وبعيدوبعيد=حتى حلوم الليل عيّت تجيبه
واحد وحيد ولامعه خلق توحيد=عدو عينك بالهواء يبتليبه
امجرد عن كل عذروب تجريد=فيه الوصايف والمحاسن عجيبه
لاتقول وصّف كثرة الهرج ما تفيد=رهيب كان الناس فيها رهيبه
الرمش والطخمه والاوجان والجيد=والصدر والا.. واشياً غريبه
مامثلهن شافن عيونى مع الغيد=ولون ال..مثل جمر اللهيبه
فى عينه اليمنى رجال وبواريد=وفيه عينه اليسرى مدافع كتيبه
وحبه يزيد يزيد ويزيد ويزيد=بالدم مثل السم يسرى دبيبه
وسهمه يصيد يصيد ويصيد ويصيد=سهمه عطيب ولا يداوى صويبه

للشاعر عبدالله باتل الرشيدي

صح لسان الشاعر قصيده جميله بمعنا الكلمه وبيض الله وجهك ياذعذاع الشمال على هذا الايراد الجميل لك مني جزيل الشكر

صح لسان الشاعر ولاهنت أخوى
على الاضافه الرائعه
تحيتي

حياكم الله وشاكر لكم

ذعذاع الشمال صح لسانك وشكراً على الإختيار
تقبل مروري ..

شكر الله وحياك الله