الى الجديد وعلي الجضعان والعموم....نايف بن مياس

السلام عليكم ورحمة الله وبركاته هذي جراير حباري خاصه ابي وش الفرق بينها ومتى وقتها وهل هي خرب او دجاجه كل صوره لحالها 5 صور وخاصه لاخوي الجديد وعلي بن جضعان دون قصور بالباقين

__________________

وعليكم السلام ورحمة الله وبركاته
حياك الله يابن مياس
واليك التقرير النهائي
1- خرب والجرة جديدة فك سبوق الطير
2-دجاجة البارحة بالليل
3-دجاجة لها يومين كان الجو صافي وكان علينا هوا اليوم جرتها الفجر
4- خرب يحبري ظهر امس
5-خرب له ثلاث ايام

وللاحاطة الصور ماهي مثل الطبيعه لاصرت على الطبيعه تقدر تقرر على حسب الجو وخبرتك
واذا كانت الصور رسم باليد فهي بمنتهى الروعه
الرسم مايشبه جمال الطبيعه والدر مايجنيه ياكود غواص
وبيض الله وجهك يابن مياس على هالموضوع الشيق
هذا حسب مالدي من خبرة علما بانه يوجد بمنتدانا العامر بالوجيه الطيبه من هو اعلم مني بذلك

مع تحياتي للجميع

شكرا لك يبن مياس
بيّض الله وجهك يبو فايز
استدلال اكثر من رائع

وهل يفتى ومالك بالمدينه

ابوفايز مدرسه بالنسبه لي وكلامه في محله ماعدا

أنه رسم يد أستبعد هذا الشئ فيه أحتمال واحدفقط تكون مربوطه في عصاء الأرجل تفكير (محشش)

شوف الأثر حرك مشاعر شجوني = من شفتها رديت يالله مساء خير

تكفون بالتصوير لاتقهروني = ياما على أثرها ضربت المشاوير

في ديرتن تخلف جميع الضنوني = متشابكن فيها النفل والنواوير

تكفون يالجواد لاتهيضوني = الوقت قيض وجونا به معاصير

الله يجيب اللي يريح عيوني = قدامنا تدرج على كفخت الطير

عن حالها ياناس لاتنشدوني = ماتت وهي حيه قبل فكت السير

الجديد
لك الشكر اجابه شافيه تقريبا ولاهي رسمت يد حقيقيه ولا الله جاب منهن الا وحده زي مانت شايف هالموسم موسم الجره
منصور الوسوس
لك الشكر على المرور
على الجضعان

لك الشكر وصح لسانك افدنا الابيات لك

أبن مياس شكرآ لك على هاذ1 الموضوع ولآ أحدآ يآكل الأ رزقه
وسجل تسع حباري في رصيد الجديد .
__________________________________________________ _________________________
وترى الوعد لآبان لوح البروقي ... وزآن الخضار أبدار نجد العذيه
وبالفارسي مأحلآه شد الدقوقــي ... اللي على العاصي يسوي سويه
__________________________________________________ _______________
بالمناسبه هذي مساجله سوف أنزلها عن قريب
ولك خالص تحياتي ..

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ اقتباسالمشاركة الأصلية كتبت بواسطة نايف بن مياس..الجديد
لك الشكر اجابه شافيه تقريبا ولاهي رسمت يد حقيقيه ولا الله جاب منهن الا وحده زي مانت شايف هالموسم موسم الجره
منصور الوسوس
لك الشكر على المرور
على الجضعان

لك الشكر وصح لسانك افدنا الابيات لك

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\


أفا يابن مياس تطلبني بالأسم وتشوف ابيات تخص الموضوع وتقول الابيات لك

وأحيطك علماً هذه الابيات نظمتهم في 4 دقائق فقط

حتى التنقيح لم أنقحهم عسى ماعليهم ملاحظه


نعم القصيده لي!

ياهل الطيور اللي تصيد الحباري=حتى لهيب القيظ ماردكم رد
لو لاوذت ماتتركون الجراري=وتصنفون انواعها ياهل الهد
مفتونكم مابين سارح وساري=لولا سلاح الحد قطعتم الحد
ان جت لنا صارت طعام الحراري=وان اشملت تموت من شدة البرد
حتى الدخيل اللي يدور مذاري=اصبح ضحيه بين مخلابٍ ويد!!
ماني عليكم ياهل القنص زاري=لكن (الحماية) ياجماعه ترصّد !!

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ اقتباسالمشاركة الأصلية كتبت بواسطة خلف الفريد

ياهل الطيور اللي تصيد الحباري=حتى لهيب القيظ ماردكم رد
لو لاوذت ماتتركون الجراري=وتصنفون انواعها ياهل الهد
مفتونكم مابين سارح وساري=لولا سلاح الحد قطعتم الحد
ان جت لنا صارت طعام الحراري=وان اشملت تموت من شدة البرد
حتى الدخيل اللي يدور مذاري=اصبح ضحيه بين مخلابٍ ويد!!
ماني عليكم ياهل العرف زاري=لكن (الحماية) ياجماعه ترصّد !!

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\


صح لسانك ويرفع الرد مع التحيه الى نايف مياس لتخاذ الازم

صحححححححححححححح لسانك يابو عمر الله يبارك بابن مياس اللي هيضك والجره الله واعلم انها حفان اي دجاجه
يسمونه اهل الشرقيه حفان وهي الدجاجه اللي حولها خرب دمتم سالمين