مجارة للشاعر عبد الله بن زويبن

لقصيدة مجاراة للشاعر العلم المعروف الشاعر الكبير /عبد الله بن زويبن الحربي
احد المواقع اعد مسابقة في مجاراته فكتبت هذه الابيات
هذي قصيدة بن زويبن:.

يـــا مــــل قــلــبٍ هـواجـيـسـه يـسـجـنـه=سـج النضـا بالمـطـارق والمشاعيـبـي
هــن ودهــن كــل روضٍ زيــن يـرعـنـه=وهـم ودهــم بالمـسـا عـنـد المعازيـبـي
يـوم انتهـى كــل مــا بالـخـرج والشـنـه=تـواعــدوا بــيــت نــطـــاح الـمـواجـيـبـي
شيخٍ صدى صوت نجـره كـل مـا دنـه=يقـنـب بــروس الـنـوازي قنـبـة الذيـبـي
يرخـص خروفـه ولا يبخـل عـلـى بـنـه=ويشكر ويذكـر ليـا عـدوا هـل الطيبـي
تـريــحــن وأمــرحـــن يـومـنـهــن جــنـــه=وأنا الهواجيس تسرح بي وتسري بي
راحـــن بقـلـبـي ولا أدري ويــــن ودنــــه=أخــذت فــي جـوهــن غـفــوة وتغيـيـبـي
سجـيـت معـهـن عـلـى فـلــمٍ يعـرضـنـه=عن غيب بعض القرايب والأصاحيبي
ابـلـيـس لـــولاه كـــل الــنــاس بـالـجـنـة=لاكــــــــن يـلــعــبــنــا راع الـتــلاعــيــبــي
يا شين بعض الأوادم لو ضحك سنه=يضحك بوجهي ويشذب فـي عراقيبـي
واللـي ليـا غبـت غـوجـه للـطـرد عـنـه=وجّـرد سيـوفـه عطيـبـات المضاريـبـي
هـجــرت كـــل الـــدروب الـلــي يـمـرنــه=أخيـر لـي مـن مجيـه ، عنـه تجنيبـي
ولو ما أقتـدي فـي كتـاب الله والسنـه=خلـيـت كــلٍ عـلـى ديـنـه يـصـلـي بـــي

وهذه مجاراتي:.

دن القلم وابيض القرطاس لي دنه =مادام ياصاحبي حضروا مناديبي
قلب العناء به هواجيس يلوعنه =لوعة سموم الشمال لشمّخ النيبي
ليا ثوّر اغبارها في لاهب الكنه = مع الظما لاعهن حر ولواهيبي
هواجس القلب للعسره يحدنه = وانا تحمّلتهن حتى كثر شيبي
جابن لي الهم في قلبي ووصنه =يلعب بقلبي ويقبل بي ويقفي بي
ليا صدّرن راجعن قلبي وعادنه= واجري مع الهم والايام تجري بي
ولاكل راي من اهل الهرج يرضنه =حرص على البعد عن عفن المشاريبي
بعض العرب كان ماجيته على ظنه=يقول قصّرولاكمّل مواجيبي
مهما تردى له المعروف والمنه = ما يعدّلنه عريضات المصاليبي
ابليس يركب على الانسان ويعنه =بالمكر يلعب على بعض اللواعيبي
كم شخص مغرور عيلاته يحدنه =في طاعة ابليس يارد للمغاريبي
وابن زويبن جزيل القول من فنه = للشعر مدرك ورايه دايم يصيبي
يابن زويبن هدفك ومقصدك كنه=يشرف على الناس من عال المراقيبي
بينت لك راي كنت اخفيه واكنه= من خوف لايبحث الهراج عن عيبي
والناس في وقتنا بالهرج منجنه = يدورون المشاكل والعذاريبي

الشاعر القدير
على بن زيد الفريدي
لاهنت يابو خالد مجاراه رائعه من شاعر جزل
عودنا على الجزاله ولاهان الشاعر العلم عبدالله بن زويبن
صحت الالسن ولاهنتم
تحيتي

هلا مليون هلا ابو خالد
والله انك تطول علينا لكن عاذرينك لاننا نعرف الظروف لكن وجود شرواك وشعرك وشخصك
الكريم نعتبره مدرسة نتعلم منها الشعر والحكمه وقوة التجربه والمحبة والوفاء ...

اما بخصوص هذه المشاركه فان قصيدة ابن زويبن قوية جدا ولاغرابه فهو من فحول شعراء حرب
وقد اجاد صح لسانه ...
وعندما ننظر وندقق في مجاراتك له يتبين لنا قوة علي بن زيد على الرغم من صعوبة القافيه وكون
المعاني استنفدت والهدف واحد لكنك استطعت ان تبهجنا بقصيدة لاتقل عن اختها قوة سواء في الشكل
اوالمضمون ولها شخصيتها المستقله الواضحه ..
شكرا لك ابا خالد على هذا الابداع لاهان راسك يابن العم ...
لاعدمتك

صح لسانك اخوي علي زيد على المجاراة لشاعر العلم ابن زوبين .

صح لسانك وعلا شانك

مجاراة جزلة من شاعر جزل

صح لسانك اباخالد وأتم عليك

الصحه والعافيه

ولنا الشرف في تواجدك بيننا

عزيزوغالي ومجاراه تستاهل

القراءه مرات

صح لسانك ولسان بن زويبن ...........

اقتباس:
المشاركة الأصلية كتبت بواسطة نايف بن مياس..
صح لسانك ولسان بن زويبن
صح بدنك ولا هنت يالبناخي الله يعزك

ادام الله عليكم الصحه وايدكم بالعز ياربعي
لكم صادق الود والمحبه ثشريفكم شرف لي واطرائكم فخر شكرا للجميع
عيال راشد لهم بالعز ما طالي = ربعي ليا ردت الحقّات مثنيه

صح لسان الشاعر عبدالله بن زويبن
وصح لسانك وبيض الله وجهك ابا خالد
مجاره قويه وجزله وافيه من راسٍ وافي.... لاهنت