الى روح الشهيد ....

كم آلمني كما آلم الجميع بل الوطن كله عندما امتدت يد الغدر والخيانه الى رجلين من رجال الامن الاوفياء
هما الشهيد مونس بن عقيل الضعيني الحربي وفواز بن عبد الله الفريدي الحربي الذي انجاه الله من كيد الحاقدين
فرحم الله الشهيد (ابو عمر)وحمدا لله على سلامة فواز ...
احبتي
هذه كلمات متواضعه عبرت فيها باسمكم جميعا بعد ان صحونا من هول الفاجعه راجيا ان تنال رضاكم ...

هذا حنا ياوطنا مانبيعك ياوطنا=نرخص الروح العزيزه مارضخنا للأعادي
ياحلو طعم الشهاده ولا يقال انّا جبنّا=العهود اللي علينا دونها خرط القتادي
والحقود اللي غدرنا ماحصل له ماتمنا=غايرات سهوم حقده عادت لصدره وكادي
مادرى انه لو تخفى في حياته ماتهنا=كلها ايامٍ قليله ثم تلقّفه الايادي
الوطن دونه رجالٍ ترفع السيف المحنّا=من رفع راسه خيانه طمّنه ضرب الهنادي
غبت يامونس حقيقه لكن ما اختفيت عنا=ياشهيدٍ عطّر بدمه جميع انحا البلادي
والله انا والله انا يابن عمي والله انا=نفتخر بك دامنا حييّين يارمز الجهادي
واهنيّك يوم صرت اليوم بالعزّه امكنّا=الشهيد اللي يضاف لقافلة خير العبادي
ولا يهمك لو حروب ارهابهم دايم تشنّا=بعون خلاق البشر يقضى على روس الفسادي
ويا وطنا دام عزك مع امانك ياوطنا=والله انا مانبيعك سلعةٍ وقت المزادي

صح لسانك اخي خلف
والله يرحم ابو عمر ,,,,,

صح لسانك وسلم رأسك
وقصيدة ترفع رؤوس الحروب كما
رفعها رأس الشهيد بوفاء العهود
يرحمك الله ابا عمر وينزل على ابنائك صبر الفراق
يعطيك العافية على جمال هذه القصيدة

اخوى الكبير
خلف بن عتاق الفريد
رحم الله الشهيد مونس رحمة واسعه
وصح لسانك على هالمشاعر الجياشه ولاهنت
تحيتي

رحم الله مونس الضعيني وجميع موتى المسلمين ..

وحمداً لله على سلامة فواز الفريدي .

وكتب الله ماقلته أبوعبدالعزيز في ميزان حسناتك .. وجزاك الله خير الجزاء على تذكيرنا بالدعاء لهم بالرحمة والشفاء .

دمت بشموخك ومبادئك ومعانيك .


ولك مني وافر التحية وجزيل التقدير .

رحم الله مونس وجميع شهداء الوطن والحمدلله على سلامة فواز الفريدي
ها أنت ابا عبدالعزيز في كل مناسبه او موقف من مواقف القبيله يكون لك
موقف مشرف اعتدناه منك صح لسانك مليون ولاهنت ولاعدمناك

الله يرحم ابو عمر ويشفي فواز
ابو عبدالعزيز قصيدة جميلة وهي حزينة في نفس الوقت ومعبرة لما في صدورنا من حزن على الشهيد بإذن الله
وانت ابو عبدالعزيز شاعر وصاحب مواقف ترفع الراس
أبو عبدالعزيز أهنئك على أغتنامك الرجولي وتعبير الشعري بما يدور في صدور الناس
الشعر رسالة والرسالة وصلت الى كل من سمع وقراء في وفاة ابو عمر
الشعار كثيرين ولكن المميزون اقله
أ بو عبدالعزيز صح لسانك وعلا شانك


تقبل تحياتي

ابو ساااااااااااااااااااااامر  

الغالين على الروح

ابو عبد الله
العزيزه ميس الريم
ابو فيصل
ابو عبد السلام
ابو حمد
ابو سامر

سرني وشرفني مروركم الكريم ومشاعركم الاخويه ...
كلماتكم هي الوفاء وحروفكم هي العطاء ...
لقد كانت من القلب الى القلب ومن الروح الى الروح ..
صحت ابدانكم لاعدمتكم
مع حبي وتحياتي

الوطن دونه رجال ترفع السيف المحنا 000من رفع راسه خيانه طمنه ضرب الهنادي

ابو عبدالعزيز عظم العرب

صح لسانك والله يرحم الشهيد ويشفي الحي

ولاهي غريبه منك مثل هالمواقف المشرفة والمشاعر الجياشة

دمت وسلمت

رحم الله ابا عمر
ودعواتنا للأخ فواز بالشفاء العاجل
شكرا لك عندليب المجالس
نعم صدقت إن وطننا يستحق الكثير
تقبل وافر التقدير