31-05-11, 12:27 AM
|
المشاركة رقم: 1 |
| المعلومات | | الكاتب: | | | اللقب: | عضو ماسي مميز
| | الرتبة: | | | الصورة الرمزية | | | | البيانات | | التسجيل: | Mar 2010 | | العضوية: | 2780 | | الاقامة: | السعـــــــوديه | | الجنس: | ذكر | | المواضيع: | 1678 | | الردود: | 3083 | | جميع المشاركات: | 4,761 [+] | | بمعدل : | 0.89 يوميا | | تلقى » 9 اعجاب | | ارسل » 2 اعجاب | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  البدو لاطـال الزعـل والعنـادي=يجلى الزعل عن خطر البدو شـده
ياكاتب اكتب من كلامي مبادي=اكتب كلامٍ منتهاه ومشده
باسم الكريم اللي على خير هادي=يااللي دفعت القاف هذا مرده
هذا مرده من غرايز فؤادي=ويفداك من جود على القيل سده
القيل يوصف لون قرط الهوادي=يخطي الهدف ويصيب ويطيح قده
ياجبر قلت وكل قولك وكادي=كلٍ يشوف من اقرب الناس ضده
هذا مرض ومصيب حضر وبوادي=لكن هل الطينة لهم نوع غده
البدو لاطال الزعل والعنادي=يجلى الزعل عن خطر البدو شده
كلٍ عن الثاني نزح له بوادي=والله عطاهم سهلةٍ مسمهده
والا زمان اليوم بيد بيادي=للخير به داعي وله من يلده
لا قمت من دافع وفا واجتهادي=تبي تلصح مايلٍ ويش نده
ان شيل مانقص ولا انكب زادي=ثم اعتزى خطو العماوي بجده
كنك على حدا السمارين عادي=والا يقول اللي وراك انت عده
سود عليك ولا يسد السوادي= يهز مشعابه عليك ويمده
يقول:انا كحيلان والا المرادي=لاتعترض لك واحدٍ ما انت قده
جدي وابويه من صقور الهدادي=اضرب بسيفٍ يقطع الراس حده
قلنا هبوبك ماتذر الرمادي=ياللي سريت بمشعل الشيخ قده
درويش غادي مايقدى قوادي=صياح ليلٍ بالزرايب يوده
خبلٍ من اذنه مايشيل القرادي=جاب الشرك لابليس وابليس مده
التعديل الأخير تم بواسطة عبدالعزيز العبلان ; 31-05-11 الساعة 01:48 AM |
| |
العرض العادي
