بين الشاعر لافي حمود و الشاعـر / مطلق خالد الحويقل العتيبي

يقول مطلق العتيبي يالله يامنـزل تبـارك .. وياسيـن يا عالـم ٍ غيـب الزمـان وعلانـه ياوافي المدات .. ياقاضـي الديـن انت المعين .. ونرتجيـك الاعانـه بأسمك يجي للقاف قيمه .. وتثميـن وتوجه ذكـرك بقـدر .. وحصانـه ياخلق الادم وزوجـه مـن الطيـن ومحملـه يـوم اكتمـل بلامـانـه ابداء بذكرك لجل تخزى الشياطيـن وزين المثل يسهل علـي إدرجانـه ياراكب اللي جاهز ٍ عقـب تمريـن الاقطم اللـي فـارق ٍ فـي خوانـه اللي عليه من الخواجـه مضاميـن والضامن اللي ماش غيره ضمانـه سبحان من يحمد على الزين والشين الخالـق الـرازق رفيـع المكانـه والا الشبح حايز عجـاب الملاييـن يا ماحـلا عبـر الطريـق اسبحانـه كنـه بمشـواره تقلـه جناحـيـن والبعـد يسهـل لامشـاه اطويانـه مايشتريـه الا الرجـال الثريـيـن اهل الرصيد اللـي رفيعـن بيانـه آخر مديل الفين .. في عام الالفيـن من مصنع ٍ شغله نضيـف وتكانـه ياسايقه باعطيـك منـي عناويـن عنوان مـن جعلـه يطـول زمانـه عنوان لافي ريف من جوه عانيـن على الرحب يلقـون قـدر ورزانـه اباك توصلـي سـلام ٍ بعـد حيـن سلام من صـاف الفـواد ولسانـه بعد البطا اللي صار له حول عاميـن والوصل إله عندي حبـال ٍ متانـه منصا سلامـي للرجـال المياميـن لافـي وبـوه وكـل حـي ٍ وزانـه سلام اخص ابه الموالي والاقصيـن وكل ايمنن بالطيب مسرج حصانـه يعـم جيرانـه .. وكـل الغياديـن واللي لهم بالطيـب ماقـف وخانـه من دافع الاخلاص والحب والديـن وسلم الرجال اهل العقـل والفطانـه ابعث لهم من باقة الـورد نوعيـن وخير الكلام اللـي يقـدم اسمانـه يهدى لمنهـم بالمواجيـب ساعيـن والبيت من ساسـه يزيـن ابنيانـه مـادام حنـا بالحيـاة متخـاويـن أخـوان بالملـه وشيـل الامـانـه والمعرفه تربـط قلـوب العزيزيـن اللي مسـار العـز لزمـو عنانـه ياجب على الوافين وصل الوفييـن والوصـل يمليـه العقـل والديانـه ودنياك يالافي بها العسـر والليـن لـو ناحـرت ياعجلـهـا قلبـانـه مادامت لخيـر البشـر والسلاطيـن ومن عاش فيها شاف منها الخيانـه والرابحيـن الصالحيـن الرشيديـن اهـل العقـول الواعيـه والذهانـه اللي على سنـة محمـد حريصيـن وابليس ماطاعـوه فـي مهرجانـه على مسار الحـق دايـم سريعيـن سعي ٍ رفيـع ولاسعـوا بالطمانـه شرواك ياذخـر الرجـال الطليعيـن اللي سـلاح الجـود حـدو سنانـه يابن حمود ايامك اللي مضت ويـن يامن معي عال ٍ مكانـه .. وشانـه حنا على شوف المشاكيـل شفقيـن والا الـردي يلقـى حليـه قرانـه نشفق على الطيب وندعيه عجليـن ودايم على الطيـب تجـوز الميانـه والا الردي جعله وراء دولة الصين حيث ان ماله في سما الكون زانـه وقبـل تحيـات القلـوب الموديـن من دافـع مـود ٍ لسانـه حصانـه وصلو على خاتـم جميـع النبييـن اللـي عطـاه الله كتابـه واعانـه اللي ومرنا ننهـج المنهـج الزيـن ورسم طريق الحق واوضـح بيانـه ......... ((( الرد من الشاعر/لافي حمود الغيداني ))) ......... بديـت بأسـم مـكـون الـكـون تكـويـن المنـفـرد والمتـحـد فـــي كـيـانـه رب الحجـر .. رب الشجـر .. والثقاليـن مـرسـل محـمـد وامــر ٍ باتبـعـانـه اللـي عبـيـده لــه صـيـام ٍ مصلـيـن يـرجـون رحـمـة ربـهـم وامتـنـانـه وعطفه .. ولطفه .. لاغدى الخلق نصفيـن ويشهـد علـى الانسـان حـتـى بنـانـه ياناصـر الرسـول فـي بـدر .. وحنـيـن ياجـاعـل لـسـان البـشـر ترجـمـانـه انـت المعيـن ولاحـد ٍ غـيـرك معـيـن ومـن بعـد ذكـرك كـل شـي ٍ بـاوانـه ياراكـب اللـي مـن حفـيـزه اقـزوزيـن تـو .. ودبـل زيـرو .. وون.. اصدرانـه صــدّر خــلال انتخـابـات الزعيمـيـن قـدام بـوش الابــن يكـسـب رهـانـه قبـل استـلام البيـت الابيـض بشهـريـن و مجلـس شيوخـه .. وانظمـة برلمـانـه جي .. إم .. أس .. حروف وارموز .. تبيين للمصـنـع الـلـي صمـمـه والصيـانـه احـدث موديـل بتكنلوجـيـا الصوالـيـن والله عـطـا الـلـي يصنعـونـه اتقـانـه لياسـرى ماضـن مــن اللـيـل ثلثـيـن وولـع مصابيـحـه .. وولــع اسكـانـه كــن اجماحيـاتـه شـمـوع المحبـيـن فـي عيـد ميـلاد .. اوقــده شمعـدانـه وكـن اشتغالـه هرجـة ٍ بـيـن ثنتـيـن يخفنـهـا بـيـن الخـجـل .. واللعـانـه ويشبـه لياقـام يتمشـى عـلـى هـويـن مـشـي الفـتـاه المتـرفـه بمشـيـانـه ولياعطـا مـردومـة ٍ كنـهـا ( قـيـن ) قـام يغنـج .. ويهـوس كـن اغنجـانـه شريفـة ٍ فـي حفـل نــاس ٍ شريفـيـن ترقـص علـى ياللـيـل ادآنــه يـادآنـه تهـز .. وتهـز الخصـر .. والذراعـيـن ومــن راسـهـا ماطـاحـت الاستكـانـه وليامشـى مـن نجـد بـيـن الصلاتـيـن مايصـبـح الا فــي حــدود الكـنـانـه يصـرخ بعنـف .. لياخـذ شـوي بنزيـن مـثـل صـريـخ صغـيـر ٍ بالحضـانـه ياسـايـقـه بالله هالـحـيـن هالـحـيـن قـم دق سلفـه .. واربـط حـزام امـانـه حـنـا عـلـى رد الجمـايـل مضـريـن حاضـر بحاضـر .. والتـهـاون جبـانـه دسلـه .. وزدلـه بأشتغـال الصلنصـيـن ولايـحــرك الا بـآخــر ازعيتـمـانـه خل الحصـى علـى حصـاه .. وحصاتيـن يفـر مـن حــدره فـريـر (السمـانـه) حـده علـى قصيـاه .. ياسايـقـه لـيـن تعـزف قـزوزه مثـل عــزف الكمـانـه ويخـلـي الـعـادم بـطـون الشكامـيـن غليـون (حـشـاش ٍ) بـراسـه شطـانـه كـنـه بتفكـيـره .. يـحـرر فلسطـيـن ومستيـسـر ٍ شـــارون بالخـيـزرانـه نصـه ديـار طيـور شلـوى .. الدماسيـن وقـل ويـن مطلـق .. ثـم لياقيـل عانـه تلقـاه فـي بيـت ٍ يـذري عـن البـيـن سلـم علـيـه ومــن لقـيـت بمكـانـه ســلام مـمـزوج ٍ بعـطـر الرياحـيـن والا زبـاد ٍ تــو جــا مــن عمـانـه ألـذ .. واحـلا مـن حلـيـب المـلاويـن لـيـاروحـن مـــن وادي ٍ ديـدحـانـه مـثـل الـزلـول الفـاخـره بالـدواويـن ويـلاعـب الغـربـي زهــر قحويـانـه مقـدار ربــع ٍ لـوهـم بعـيـد غالـيـن عـلـى خـفـوق ٍ قـدرهـم ماأستهـانـه عيال عـود ٍ غـاب راسـه علـى الزيـن ممنـوح مـن ربــه صــلاح البطـانـه مطلـق .. وغـازي .. والنعـم بالشقيقيـن وأخوانـهـم .. والله عـلـيـه وامـانــه ماهـو مكفيـهـم لانـعـم .. ولانعمـيـن هيـف السميـن اللـي كثـيـر ٍ أدهـانـه واهـل هـلا يامرحبـا فـيـك .. وهلـيـن وكــل ٍ حجـاجـه يعجـبـك بضحكـانـه واهــل دلال قـنـاد غــال المثـامـيـن وافضـل نمونـه هيـلـه .. وزعفـرانـه كـنـه للضرمـانـه صـعـوط المجانـيـن ليـاذاقـه النعـسـان طــار إنعـسـانـه واقـول .. يامطـلـق فــدوك الكثيـريـن أهديتـنـي دره .. وبـاقـه .. ودانـــه البـاقـه الـلـي مــن ورود البساتـيـن مـن كـل شـي ٍ زيــن فيـهـا إذنـانـه منباعهـا مـن جـوف قلـب .. وشراييـن وجــم ٍ تـصـدر بـالـروى عيطشـانـه فيها عتب .. لكـن علـى الـراس والعيـن انــا مــدان ومـعـتـرف بـالادانــه إن كـانـا بالـوصـل مـعـك مـتـرديـن منـك السمـوحـه راس مــال الخـزانـه امــا تـجـي .. والا نجـيـك متعنيـيـن وكـل ٍ علـى اصحابـه وسيـع ٍ بطـانـه وصـلاة ربـي عــد وبــل الـوداديـن عـلـى رســول ٍ عـزنــا باتبـعـانـه

صح لسان العتيبي
وصح لسان الاخ لافي وهو شاعر علم ويستاهل المدح والتمجيد <<<<<

نقل رائع من جهود رائعه تحياتي ,,,,

مساجلة رائعة بين شاعرين كبيرين ...
صح الله لسانيهما
ولو انني دخت من اللون الاسود ومساحته ...
ومع هذا لك الشكر ايها الذعذاع لاهنت

مشكورين اخواني الغالين
وتعقيبك يابو عبد العزيز زاد المشاركه روعة وجمالا

صح لسان لافي ولسان مطلق وبيض الله وجهك ياذعذاع على الاضافه تقبل تحياتي

هــــلا بك ,,