يا مادح الانذال مدحك خسارة

يا مادح الانذال مدحك خسارة =وراك ما تمدح هل الفضل والجود
اللي يشوفون المدايح تجارة =واعراضها ماحشها علم منقود
لا تمدح اللي جالها المدح عاره =لا وارثه ابوها ولا هو بمعدود
جدّه وابوه يحلِّبُون الوباره =ويدوِّرُون التمر في مقلع العود
لو جبت له منظوم طول المنارة =ومسطرة بالمسك واقلامها العود
ضيعت مدحك في حصيني مغاره =زاده من الفيران والنمل والدود
ترى الردي لو تضربه بالحجارة =والا مطارق شوك وسلاح محدود
جنبه متين ولا يخاف المعارة =ولا يعرف البيضا ولا يعرف السود
والحر دايم يحترك بالإشارة =يفزّ مثل الزّند لي قدح بارود
رجّال يسوا له ثمانين حارة =ورجّال ما يسوى ولا عظم عجرود

صح لسان الشاعر
وشكرا لحسن انتقاؤك
مع وافر التقدير

اقتباس:
المشاركة الأصلية كتبت بواسطة منصور الوسوس
صح لسان الشاعر
وشكرا لحسن انتقاؤك
مع وافر التقدير



شرفني مرورك العطر

صح السان الشاعر..
وتسلم يمناك..