يامعنيني :: مرزوق العتيبي

مَادمـت تـسـوى عيـونـي يامعنيـنـيجمـع محـطـات عـمـري لا تبعثـرهـا

حبـك يضخـه فـؤادي مــع شراييـنـييعنـي لـو أعطيـك روحـي لا تكاثرهـا

أنـتـه مـوكـل بـهـا مـاعــاد يعنـيـنـيوالله لــو أحتجتـهـا مانـيـب ذاخـرهـا

ياقبلـة أيـام عمـري وأجمـل سنينـيسعادتـي فــي عيـونـك لا تصاغـرهـا

تــراك تـقــدر تضحـكـنـي وتبكـيـنـيولـو دمعتـي ماتحـدر وأنـت خابـرهـا

تدري ليا من ذكرتك وش يجي فينـيأعـيـش حـالـة غـريـبـة ماتـصـورهـا

أضحك وأسولـف بحبـك بينـي وبينـيوأفتـح رسايـلـك وأقـراهـا وأكـررهـا

وأقـول ليـتـك لـيـا نـاديـت توحيـنـيغيبتـك شبـت علـى قلبـي سعايـرهـا

محبتـن عـن جميـع الخـلـق تكفيـنـييـاجـعـل ربـــي عـلـيـنـا مـاغـيـرهـا

وأحيان لا والله أسرح مـع شيطاينـيوأذكر حركات منك أزريـت أفسرهـا

وأقول ياهل مثل مآ أغليك تغلينـي ؟ولا المشاعـر لأجـل غيـري موفـرهـا

وأمسـي وانـا الهـم يبعدنـي ويدنينـيوتقـول لـي حاجـه ضاعـت وأدورهـآ

وأليا ذكـرت أن ماغيـرك مـلا عينـيأربـط فـرامـل مشاريـهـي وأقهـرهـا

وأجر صوتي طرب مسحوب وهجينيوأصوغ فيـك أجمـل الأبيـات وأندرهـا

أطرف قصيدة بشخصك من دواوينييقـال عنـهـا تبـيـض وجــه شاعـرهـا

لـكــن تـكـفـى طلـبـتـك لا تخلـيـنـيوالناس لا عاد تلعـب فـي مشاعرهـا