يامعنيني :: مرزوق العتيبي

مَادمت تسوى عيوني يامعنيني=جمع محطات عمري لا تبعثرها
حبك يضخه فؤادي مع شراييني=يعني لو أعطيك روحي لا تكاثرها
أنته موكل بها ماعاد يعنيني=والله لو أحتجتها مانيب ذاخرها
ياقبلة أيام عمري وأجمل سنيني=سعادتي في عيونك لا تصاغرها
تراك تقدر تضحكني وتبكيني=ولو دمعتي ماتحدر وأنت خابرها
تدري ليا من ذكرتك وش يجي فيني=أعيش حالة غريبة ماتصورها
أضحك وأسولف بحبك بيني وبيني=وأفتح رسايلك وأقراها وأكررها
وأقول ليتك ليا ناديت توحيني=غيبتك شبت على قلبي سعايرها
محبتن عن جميع الخلق تكفيني=ياجعل ربي علينا ماغيرها
وأحيان لا والله أسرح مع شيطايني=وأذكر حركات منك أزريت أفسرها
وأقول ياهل مثل مآ أغليك تغليني ؟=ولا المشاعر لأجل غيري موفرها
وأمسي وانا الهم يبعدني ويدنيني=وتقول لي حاجه ضاعت وأدورهآ
وأليا ذكرت أن ماغيرك ملا عيني=أربط فرامل مشاريهي وأقهرها
وأجر صوتي طرب مسحوب وهجيني=وأصوغ فيك أجمل الأبيات وأندرها
أطرف قصيدة بشخصك من دواويني=يقال عنها تبيض وجه شاعرها
لكن تكفى طلبتك لا تخليني=والناس لا عاد تلعب في مشاعرها

صح لسان الشاعر مرزوق العتيبي

ومشكور على النقل

صح السان الشاعر..
وتسلم يمينك..على النقل..

صح السان الشاعر..
وتسلم يمينك

ياهلا بالجميع

تدري ليـا مـن ذكرتـك وش يجـي فينـي==أعـــيــــش حـــالــــة غــريــبـــة مـاتــصــورهــا
أضـحـك وأسـولـف بحـبـك بيـنـي وبيـنـي==وأفـــتــــح رســايــلـــك وأقــــراهــــا وأكــــررهــــا
وأقـــــول لــيــتــك لـــيـــا نـــاديـــت تـوحـيــنــي==غيـبـتـك شــبــت عــلــى قـلـبــي سـعـايـرهـا
محـبـتـن عــــن جـمـيــع الـخـلــق تكـفـيـنـي==يـــاجـــعــــل ربــــــــــي عــلــيـــنـــا مــاغــيـــرهـــا
وأحـيـان لا والله أســرح مـــع شيطـايـنـي==وأذكــر حـركـات مـنـك أزريـــت أفـسـرهـا
وأقول ياهـل مثـل مـآ أغليـك تغلينـي ؟==ولا الـمـشـاعـر لأجــــل غــيــري مـوفــرهــا

تسلم ذع ذاع على ذا النقل الرائع
صح لسان قائلها

مشكوره ميس الله يبارك بهالمشاركه التي حركت بعض الشعور !!!
هههههههه