لو نستمـــع في الوقت من كل هــراج

لو نستمــع في الوقت من كـل هــراج = يمدي مراجيلنــا غدت في العجاجـي

لكـــن أدل الــدرب مـــع كــــــل منهـــاج =أقدم على لحالــي و أكب الهمـاجي

فكــري يقدينــي علــى الطيب ما انعــاج=و لا أخذ براي اللي علومه سماجي

أصاحب الطيـــب و لا أخـــاوي الــداج=و أعرف طريق الحق و أخذ خراجي

ما انصى ضعيف النفس لو كنت محتاج =حيث أن مثلــه ما يسـر الحجـاجـي

الطيب له ناســن تطـاول في الأبــراج=ما حصله ولـد الخــزز و الدجــاجـي

قلتـه سبايب هاجسـن في الصـدر لاج =من رأي ناسـن سببــو لـي ازعاجـي

كلـــن يقـــول اسبـح بغبـات الأمــواج =و اليه مع أهل العرف درعن و تاجي

و أنا فهيــــم بكــــل مدخــل و مخــــراج=و أقدح برايي مااستشير الهبابي

و إذا استشـرت اختــار من رايـه عـلاج = صاف الضمير و كل رايـه علاجي

رجلــن حكيــم الـراي ماهــوب سهــاج = ما يسهــج الماجوب ركنــه ملاجي

و لاهوب من قــوم الحســد و التهـراج = اللي سوالفهـــم تجــي بانعواجـي

يجيـــك واحدهــــم رقــى قمــة ســواج =بالهـــرج في كل المـراقيب داجـي

و لاجاك قـــال انتـه كفـو و أنت هداج = و فلان ما يســـوى بيــاله زجاجي

و لا راح له حطك ورق وسط الأدراج =و خلاه فارس كفـــو مثـل العواجي

و كــذا المنافـق بين الأصحـاب دواج =زراع للفتنــــــه فتيلـــه سراجـــي

سقيــم عقل و صايبـه ضيـم و خـلاج =مسفــوه و المسفــوه مالـه مناجي

للشـــاعر حجــاب مرزوق المرشدي ...

صح السان شاعرها

اصيل العود

أنت لاتأتي الا بما هو اصيلاً من الشعر
شكرأ على جهودك الجبارة