{سلمى تقول ان الموده غرابيل } .. نادره لمحمد الاحمد السديري

سلمى تقول ان المودة غرابيل=وانا على سلمى عليل الضماير
سلمى تقول الحب ويل بثر ويل=وانا حشاي بجاير الحب فاير
وسلمى لها باقصى الضماير مداهيل=وعندي لسلمى بالموده سراير
اسأل عليها كل مايقبل الليل=والصبح اوصي عليها كل طاير
الحب في قلبي صبغ صبغة النيل=بين المحاني صايب الحب جاير
وياماتوجد والضماير مغاليل=وياما على سلمى عطيت البشاير
طفل سلب عقلي بسود مضاليل=منها قلوب اهل الموده عثاير
ورموش سود ماتكحل من الميل=سواه خلاق البحر والجزاير
دار لسلمى ماتجيها المراسيل=دار لقلبي في حماها ذخاير
ارسل لها من ناحلات المراميل=مايصلنه ناقلات المجاير
اطلب لها من رايح المزن بالسيل=منه بالزبيدي نابت بالمحاير

الشاعر محمد الاحمد السديري

ارسل لها من ناحلات المراميل ...... مايصلنه ناقلات المجاير

اطلب لها من رايح المزن بالسيل ...... منه بالزبيدي نابت بالمحاير

صح لسان الشاعر محمد الاحمد السديري

ومشكور على النقل

صح السان الشاعر وتسلم يمناك..

شكرا لك ابا عبدالله
والشكر موصول الى ابن عبلان على التنسيق والاهتمام

كل الشكر لكم على المرور
العطر

ياهلا ومرحبا بكم

الاخ /ذعذاع الشمال
رحم الله الشاعر محمد السديري
واموات المسلمين
ومشكور على النقل الرائع
تقبل مروري

اضافة رائعة تسلم ذعذاع

آمين ياهلا بك