الحياة

مساؤكم وصباحكم ورد ,

وعذراً يتقدم الكلام , عن ( الغياب ) في ما مضى من الأيام , بسبب الظروف والأحكام , كما تعلمون .

فلكم مني أزكى التحايا محملة ً مع أسراب الحمام .

وتقبلوا هذه الأبيات من مشاعر هذه اللحظات :

خلاص ياهم الليال الصعيبات=كل ٍ يدوّر عند ربعه حبيبه
أوّل وجفني تالي الليل مابات=يعيش مع قلبه روايه غريبه
تجمع مع ( الضدين ) : عدّة روايات=متشابهه في سرد : صوره رهيبه
لاوالله إلا مات حسني ولامات=راحت حياته بين شك ٍ وريبه
والناس هــَــم الناس غيبه وحضرات=وكل ٍ بسوق الطيب يمدح صحيبه
أحد ٍ يهزه شوق عد ّ الجنيهات=وأحد ٍ مثل غيره يساوي كتيبه
ولاقلت كل الناس تبقى علامات=ويبين للعاقل دلايل نصيبه
وعندي خبر إن الليالي طويلات=لكن ّ مثلي مايبين نحيبه
وكل المجالس في عيوني إضاءات=ويبقى ينوّر شعرنا عندليبه

وكل المجالس في عيوني إضـاءات

ويبقـى ينـوّر شعرنـا عندليـبـه

صح لسانك
ابو عبدالسلام من طوّل الغيبات جاب الغنايم

لاهنت

صح لسانك

ولكن لدي طلب

قصيدة تعبر عن مـ أستفدته وأفتقدته من عملك السابق وماهي إيجابيته؟

علماً بأني كنت زميلاً لك وشاءت الأقدار ان أذهب عنك
وذهبت انت للقصيم وشاءت الأقدار ايضا اني على وشك الذهاب للقصيم ان شاءالله

فقط طلبي قصيده عن عملك السابق مع العلم بأن اجمل مراحلي الوظيفيه كانت عندما كنت
في ذلك المكان لان الزملاء السابقين كانوا ونعم الرجال ،،،


محبتي ،،،

صح لسانك والله انا افتقدناك لاكن الحمد لله على السلامه وحياك بين اخوانك

عودا حميدا

صراحة فقدانك يابا عبدالسلام

والظاهر ان الوظيفة الجديدة اشغلتك عنا

نتمنى لك التوفيق والسداد

ولكن لاتطول الغيبات ترى لك وحشة

لك تحياتي واحترامي

الله ....الله ......الله
لك مني كل المحبة والتقدير على تواجدك رغم النشغالك وهذا دليل على طيب قلبك
الذي ينبض بحب جميع الاعضاء ...ولانستغرب عليك هذ التقدير
اما القصيدة ...
فهي قصيدة لايجيدها إلا شاعرها الشاعر نواف فارع الذي يدل على القصيدة ثقافتك الذي نستفيد منها دائماَ
ابداع منقطع النظير ولمن البيت الاخير ربما انني أجد به الشاعر القدير خلف ابن عتاق عندليب المجالس (وهو بيت القصيدة)

وكــل المجـالـس فــي عيـونـي إضــاءات=ويـــبـــقــــى يـــــنـــــوّر شـــعـــرنــــا عــنــدلــيــبـــه

برغم انني أجد في القصيدة كل بيت عن الف قصيدة .........
انني لا أجد لك عذراً انتغيب مرة أخرى ........ تقبل أشواقي وتقديري لك

وكل المجالس في عيوني إضـاءات=ويبقـى ينـوّر شعرنـا عندليـبـه

ماعليك زود يابو عبد السلام لاهنت وصح الله لسانك ...
وهذه المجالس فيها كل الالوان الجميله والقناديل المضيئه والاصوات العذبه من روادها ورجالاتها الكرام
وما نحن الا مكملين لبعضنا البعض أدام الله الالفة والمحبه ...
وحياك الله شاعرنا المثقف (نواف بن فارع) هذا المعرف الجميل ..
لاعدمتك

هلابك ابا عبدالسلام
نبارك لك العمل الجديد
ونتطلع لتكون احد اشراقات المجالس الدائمة
صح لسانك على هذه الابيات الجميلة
يستاهل عندليب المجالس فهو احد العلامات الثابته للوفاء والابداع
تقبل وافرالتقدير

مرحبا الشاعر نواف فارع
هذا الشاعر الذى طالما تابعت إبداعه له بصمه خاصة به
عوداً حميداً والف مبروك عملك الجديد والشيخ بن عتاق يستاهل
فهو إسم على مسمى عندليب المجالس صح لسانك ولاهنت يالغالي
تحيتي

اقتباس:
المشاركة الأصلية كتبت بواسطة ابوحمد

وكل المجالس في عيوني إضـاءات

ويبقـى ينـوّر شعرنـا عندليـبـه

صح لسانك
ابو عبدالسلام من طوّل الغيبات جاب الغنايم

لاهنت



عيوني الثنتين أبوحمد :

وصح كلك .

لاشنت على هذا المرور الجميل , وكلك ذوق .


تحيتي وتقديري .