مساجله بيني وبين الشاعر / عبيد بن نهار الفريدي

لا واللـه إلا تـيــّـل الطـيــر عــــزام=تـتـيـيـلتـن مابعدهـا مـن خــراجــي
من عقب ماهو لابرق الريش لطـام=اليوم ماله بالحـبـاري مــزاجــي
والشكوى للي يكشف الضر عــلام=سامع ادعاء ذا النون يومه يناجي
ومن بعدها من يوصل الخط بشمام=لــعـبيد بـن نـهـار مـابـه امـناجي
حــيــثه حـكيم ويفهم الشعر بإلمام=وعقله رزينن مايجي به رجاجي
ياعـبـيد بـصـّرنـي بـتنفيذ الأحكام=أمـا بـربـط الطير وإلا الخراجي
ولا تنسى اللي ماضين له من العام=اطيار وإلا درج موتن امفاجـي
وأقبل تحياتي عـدد لبـس الإحــرام=واعـداد مابالجو حلق اوراجـي

ابوفــــايـــز
____________________________________________

وقد أجاب قائلاً : /

يامرحبا ترحبيتن تجلا الأوهـــــــام=تــجـلى الهموم الساطيات اللواجي
بخطك يابوفايز ذرى كل من ظـــام=هيف السمين اوريف من جاه لاجي
فزيت له واقف على روس الأقـدام=ليتك تخيل فـرحـتــي وابـتــهــاجــي
حيثك رفيق بضيق الأيام وحــــزام=ولابك صفات امعقـدين الحـجـاجـي
اللي رفاقتهم لها أســبــوع وأيـــام=ثم تنتهي وتصير رفـقــت مـزاجــي
أمدحك يالطيب ومدحك لي اوسام=وفكري على شكواك هيض اوهاجي
وتشكي علي الطير والطير عـزام=وكانه صحيح العلم علمك إزعاجـي
غيبي الهاجوس مع طيف الأحـلام=والكبد فيها مــثـــل قــــدح الـبـــواجـــي
يعني سهم عينن تمثنــاه بإلـحــــام=وجود عطب مضراب كفـــه اوماجــــي
خبيث وأسود قلب ملعون الأرسام=وأشوى أنها بالطير يــوم أنــت ناجــــي
خطوى بخيلن لو تصدق ولو صام=حــلـون نـبـاهـ اوجـوهر القلب صاجي
الطير يلقى مثــلـه ايــبـاع وايـسـام=بالنقد يـشــرى مــن مـقــر الحـراجــي
ولا أنت مانعتاض بك يابن الأكرام=يالوافي الصافــي بــعــيــد المــداجــــي
ولعل ما أسمع فيك من شين الأعلام=ولا أسمع بك أبطى القول ولا المفأجي

عبيد بن نهار الفريدي
_______________________________________

صح لسانك يالجديد وصح لسان الشاعر عبيد نهار الفريدي

اخوي ابو حمد صح بدنك

صح للسانك ولسان بن نهار ولا تشوف شر لانت ولاعزام
تفبل مروري ودمت بصحه وعافيه

الشاعر
الجديد
صح لسانك ولسان الشاعر عبيد نهار
شعراء كباروقصيدن جزل دامت المحبه بينكم
وأكيد هناك غيرها نبي نقراء لاتحرمنا قصيدكم
لك جزيل تحيتي

أخي الجديد قد أتيت بماهو جديد

صح اللسانك واللسان الشاعر عبيد بن نهار

مساجلة تستحق الأشادة

تقبل مروري

صح لسانك اخي الجديد
ولاكن ملاحظه بسيطه ( تيل ) لو قلت روّح ترويحت ن او حلّق افضل من تيل وجهة نظر معرضه للقبول والرفض .. تحياتي

صح لسانك ولسان عبيد
شكرا لك على حضورك الراقي اخي ابو فايز
تقبل خالص التقدير

اخي ابو فايز
صح لسانك ولسان الشاعر عبيد بن نهار على هذا الابداع النادر ...
لا استغرب وانا المجرب ان اجد هذا النص الراقي منك والرد الجميل من عبيد فانتما قامتان
كبيرتان في مجال الشعر والقنص وعلوم الرجال ...
تقبل تحيات واعجاب اخيك
لاعدمتك

اقتباس:
المشاركة الأصلية كتبت بواسطة هابس العلوي
صح لسانك اخي الجديد
ولاكن ملاحظه بسيطه ( تيل ) لو قلت روّح ترويحت ن او حلّق افضل من تيل وجهة نظر معرضه للقبول والرفض .. تحياتي



__________________________________________________ __________

أخوي الشاعر هابس العلوي ملآحظتك على العين والراس ولكن الأجابه الكافيه رد الشاعر عبيد نهار بقوله
يعني سهم عينن تـمـثـنـاه بلحام ........ وجود عطب مظراب كفه اوماجي
خبيث وأسود قلب ملعون الأرسام ...... وأشوى أنها بالطير يوم أنت ناجي
لعلك من خلالها تعرف الهدف حيث الطير لاروح ولا مات
ولك تحيآتي ...