اقتباس:
المشاركة الأصلية كتبت بواسطة منصور الوسوس
جا صباح الحزن يا ليل التحدي=عارفٍ صبحي قديمه هو جديده
ما ورا التنهيد ضيقاتٍ تعدّي=وما ورا الضيقات شيٍ تستفيده
أنت ! يا اللي غيبتك ظلم وتعدّي=حي ! لكن في نظر عيني فقيده
كل دربٍ ما يجيبك .. ما يودّي=غير للحرمان .. والياس وقصيدة !
عاشقك من كثر حزنه .. وش يبدّي=ما ذكر في غيبتك لحظة سعيدة
أنت وظروف الزمان المر .. ضدّي=أنت يا عندك .. وهي مثلك عنيدة
الليالي في غيابك .. ما تهدّي=والعمر لو راح .. قلي .. وش يعيده ؟
صرت احس العمر ياخذني بيدّي=للضياع ورحلةٍ عنّك بعيده
ما لقيت من التعب مخلوق قدّي=خطوتي في رحلة احزاني وحيده
كل دمعة لامست بالحزن خدي=ما اعتبرها ميتة ! لكن شهيده
وانت .. مع شكري وتقديري وودي=لا تضايق .. لو تبكيّك القصيده
يالله يامنصور
اسالك بالله لك القصيده
انا حاس انها لك القصيده
صح لسانك و
بنانك
ولك تحياتي وتقديري