يامنخدع في ضحكه الدنيا ترى الضحكة خداع

اقدم لكم قصيده لااحد الشعراء ولاعرف من قائلها
واتمنى تنال على رضاكم

ـــــــــــــــــــــــــ ـــــ

العمر يفنـى والحيـاة أحـلام والدنيـا متـاع=يا كـمّ نفـسٍ روّحـت مـا حقّقـت مطلوبهـا
يا منخدع في ضحكة الدنيا ترى الضحكة خـداع=لا تأمن الدنيا ولو تضحـك لـك مْـع جنوبهـا
إن ما تغانمت المراجل قبـل ساعـات الـوداع=بَعَد وفاتك ماهي بصوبـك ولا انـت بصوبهـا
والمرجلة ماهيب سلعـة تنشـرى والاّ تبـاع=كم ناسٍ يقومون ويطيحون مـا فرْحـوا بهـا
اللي مولّع بالضياع يـروح لـدروب الضيـاع=واللـي مولّـع بالمراجـل مـا يغـرّ دروبهـا
الطّيب بيِّن ومتعيِّن مـا علـى وجهـه قنـاع=لكن بعض النـاس عميـا والجَهَـل عذروبهـا
والغيب ما يُعلم لكـنّ العقـل سِيـد الإختـراع=ليا اشتغل عقلك عرفت الناس وش فـ"قلوبهـا"
وإن كان ما انته مستفيد من الدّماغ الاّ الصّداع=ما غير حـظ الصّيدليّـة مـا تبـور حبوبهـا
لا صرت ما تتعب على ( والنِّعم ) قدر المستطاع=صدّت ولفّت لك ظهَرهـا واعْطَتِـك عرقوبهـا
وليا تملّكْت الكـرم والحكمـة وطـول الـذراع=لا تشغلك نفسـك تـراك اعطيتهـا ماجوبهـا
والواحد اللي لا كريـم ولا حكيـم ولا شجـاع=مفروض يعطي ثوبه الحرمـة ويلبـس ثوبهـا

قصيده تحمل الجزاله
والحكمه
لاهنت على الانتقاء
تحيتي لك

اخوى
المشتاق

لاهنت على الانتقاء
تحيتي لك

والـغـيـب مـــا يُـعـلـم لـكــنّ الـعـقـل سِــيــد الإخــتــراع

ليـا اشتغـل عقلـك عرفـت الـنـاس وش ف"قلوبـهـا"

وإن كان ما انته مستفيد مـن الدّمـاغ الاّ الصّـداع

مـــا غـيــر حــــظ الصّـيـدلـيّـة مــــا تــبــور حـبـوبـهـا

لا صرت ما تتعب على ( والنِّعم ) قدر المستطاع

صـــدّت ولـفّــت لــــك ظـهَـرهــا واعْـطَـتِــك عـرقـوبـهـا

ولــيــا تـمـلّـكْـت الــكــرم والـحـكـمـة وطــــول الــــذراع

لا تـشـغـلـك نـفــســك تـــــراك اعـطـيـتـهـا مـاجـوبـهــا

والــواحــد الــلــي لا كــريــم ولا حـكــيــم ولا شــجـــاع

مـفـروض يـعـطـي ثـوبــه الـحـرمـة ويـلـبـس ثـوبـهـا

أبيات مشبعة بالحكمة
والنصح
تسلم المشتاق على هذه الاضافة الرائعة

قصيده رائعه جداً وجزله في معانيها
كنت أتمنى من الشاعر أنه نصح بالتمسل بالدين أولاً كونها مطلعها عن فناء العمر
ومن ثم المراجل التي لاغناء عنها .
تقبل مروري وشكراً على إنتقاء هذه القصيدة