لولا المواقف ما عرفت الرجاجيل

لولا المواقف ماعرفت الرجاجيل
لكن بعض الناس يحسب الرجال يعرفون
برقم البطاقه..

لولا المواقف ما عرفت الرجاجيل=والرجل يعرف بالشدايد والافعال
أنا اشهد إن به ناس وقت البهاذيل=لاجد وقت الجد تطرى على البال
من يعجبونك في جميع المداخيل=قوم تعز الطيب من كل مدخال
وترى العمر ما هوب فرق المشاكيل=والهرج ما يرفع من الناس دجال
بعض الرجال كبار لكن مهابيل=المرجلة ما هيب بالكبر والمال
وبعض الرجال اجسام لكن تماثيل=جسمٍ كبير وداخله قلب تمثال
يملى عيونك بالشكل كنه الفيل=ولا حل يوم الجد كذبت الاشكال
ما ينفعك وقت الشقا والغرابيل=يا ليت تسلم من كلامه والاقوال
ومنهو يظن ان المظاهر دواليل=به ناس نقص وتلبس شماغ وعقال
كالدلة اللي دون نار ومعاميل=ما تسقي الخرمان لو ربع فنجال
وبعض الرجال يكيد لك بالمحابيل=يخفي بضحكه لك من الحقد زلزال
السن أبيض لكن القلب كالليل=ما كل من يضحك معك يسعد الحال
هذا كلام الحق من دون تبديل=حبيت اقول الصدق والصدق ينقال
هذا كلامي فيه بعض التفاصيل=شيٍ مجرب ما خرصته من البال
ولولا المواقف ما عرفت الرجاجيل=وكان استوى بالهرج خايب ورجال

الشاعر
فيصل بن سبيّل الباهلي

بعض الرجال كبار لكن مهابيل
المرجله ماهيب بالكبر والمال
صح لسانه صدق انا اشهد ان بعضهم يسبق زمانه بفعايله
اخي عبدالعزيز جزاك الله خيرعلى ذكر اسم الشاعر
تشكر على نقلك للجزل وذكرك لصاحبها

عبد العزيز أختيارك قمة ...وذوق شعري رائع
لك مني أجمل تحية على القصيدة ابداعك لـختيارك لها

لايستغرب الابداع من أصحابه
فأنت شاعر ومن بيت شعر لذلك نقلت الجزل
صح لسان الباهلي وسلم متصفحك
تحيتي يابن عبلان

ومـنـهـو يـظــن ان المـظـاهـر دوالـيــل/// به ناس نقص وتلبس شماغ وعقال
كـالـدلــة الــلــي دون نــــار ومـعـامـيـل/// مـا تسقـي الخرمـان لــو ربــع فنـجـال
وبعـض الرجـال يكيـد لـك بالمحابـيـل/// يخفي بضحكـه لـك مـن الحقـد زلـزال
الـسـن أبـيــض لـكــن الـقـلـب كالـلـيـل/// ما كل من يضحك معك يسعد الحال

أبيات كلها دلائل
وبرهان
صح لسان الشاعر
وتسلم يمناك أخينا عبد العزيز العبلان
دام جودك

الاخت شموع والأخ مشعل
اشكركم على تواجدكم
تحياتي لكم

اقتباس:
المشاركة الأصلية كتبت بواسطة غازى بن عجاب أبوزوايد
لايستغرب الابداع من أصحابه
فأنت شاعر ومن بيت شعر لذلك نقلت الجزل
صح لسان الباهلي وسلم متصفحك
تحيتي يابن عبلان



الشاعر والناقد القدير
غازي بن عجاب ابو زوايد
لاهنت على مرورك المشرف والأشاده
والجزل اللي ماينقد انت من أهلـه
تحياتي وتقديري لك

عبد العزيز أختيارك قمة ...وذوق شعري رائع
منتظار جديدك الشيق

ميس الريم وبرق الوسم
لاهنتم على تواجدكم

شكرا.. على هذه القصيدة الجميلة والمعبرة