راحوا ْ رجال ٍ ذكـرهـم بالـدواويــن

حسـبت رفـقـة صـاحبي بالدلافـيـــــن=واثريـه حـيـة لابــده تـحــت تـبـنـــــه
وياشين من رجله تدوس الثعابيــــن=مايـدري إنـه سـاقـتـه يـم دفـنـــــــه
هذا زمان ٍ فيه قلب المـوازيـــــــــن=اللي بدقن مثل الذي شال دقنــــــــه
وين الرفاقه وين يامدعي ويـــــــــن=طالت على من ضامه الوقته سجنه
ماعاد تنفع دامـهـا صـنعـت الصيــن=من عقب ماهي صنعت ارجال رزنه
الخوف من معبـر طـريقـن بـسـيفيـن=والا يـاعـلـه تكـمـل اليــوم حـزنــه
صار الـتـشبـه فـي طـبـوع الرديـين=وصار الولد يطلع على الخبل وزنه
يمـكـن تـقـول انـه بقـى فيـه حـيـيـن=يـمـكـن ولـكـن بـالـمـخـالـيـق حفنـه
راحوا ْ رجال ٍ ذكـرهـم بالـدواويــن=راحوا ْ وكـل ٍ نـوخ الوقـت هـجنـه
راحوا ْ رجال ٍ ينقلون الكسيـريــن=لوكـان ميـت مـايـخـلـيـه هــدنـــه
افعالهـــم كــانـت تهـز البراكيــــن=كانت يديهم كنها امطـار مزنــــــه

لشاعر ..راضي المـــــعجل

شيخه تسلم يدينتش
بس مع احترامي لك لكن ذوقك تقل ذوق شــــايب *_^

يعطيك العافيه على الأنتقاء
الجزل

شموع التفائل
شكراً لك الاضافه وننتظر القادم
تحيتي

اقتباس:
المشاركة الأصلية كتبت بواسطة الريم الشمالي
شيخه تسلم يدينتش
بس مع احترامي لك لكن ذوقك تقل ذوق شــــايب *_^



الريم الشمالي كل واحد وذوقه ولولا اختلاف الاذواق لبارت السلع مايحكم الذوق شايب وشباب
شموع التفائل لك الشكر على النقل

تحياتي لكم احبتي على المرور