مشاركة الشاعر الكبير حمود الفريدي بمسابقة شاعر الملك

هذه المشاعر صاغها بعفوية متناهية الشاعر الكبير / حمود بن محمد الفريدي
لتكون شاهداً لما تحمله قلوب الشعب السعودي عامة من حب
لخادم الحرمين الشريفين حفظه الله ورعاه

القصيـد انصـب همـالـه وهـبّـت نــودهوالمشاعـر دونـت بالـنـادرات اجـددهـا

واستضافة شاشة المرقاب كل اوفودهاسعـد الله راعـي الفكـره ومـن ييدهـا

في مقام اللـي يمينـه للعطـا ممـدودهالصعاب اللي تضيم الشعب عنه ابعدها

الخيـال اللـي تزاحـم بـارقـه ورعــودهربعـت منـه الجزيـره مثـل مـا عودهـا

غـب سيلـه جـل نبتـه واثـمـرن اورودهوالبـراري بالنبـات تسـر مـن شاهـدهـا

القصيد اللي تقاعس عنه وش مردودهيـوم كـلٍ فـي محيطـه سابقـه يلكدهـا

ابـا ابـارك وابـا شـارك للفـرح بالعـودهوابـرك الايـام عـودة سيـدي واسعدهـا

قبلـهـا 90 يــوم اعصـابـنـا مـشــدودهالليـال اللـي تريـح النـاس مـا نرقـدهـا

يالله انـك تحفـظـه وتبلـغـه مقـصـودهوالسنيـن الباقيـه فـي صحـتـه مـددهـا

مرحبـا بالعاهـل اللـي نفتخـر بجـهـودهمرحبـا جميـع شعـب المملكـه رددهــا

دون جاره يوم نـادى واقفتـه مشهـودهالسبـاع العاديـه يـوم اعـتـزى هجّـدهـا

ليـنٍ فـي حـال وإلا مـن جهـه يـاكـودهفيصلـيٍ شـب نـار الفيصـلـي ووقـدهـا

الزعيم اللـي لشعبـه سيرتـه محمـودهالامـانـه يــوم عـاهـد خالـقـه جـودهــا

الله انـه يعتنـي فــي صحـتـه ويــزودهويتقبـل لـه دعــاه وسـجـدةٍ يسجـدهـا

الوفـي اللـي اليـا واعـد وفــا بـوعـودهالظـروف اللـي تواجهنـا يحـل عقـدهـا

والله انـا عايشيـنٍ فـي رخـاء بوجـودهفي ضمان ووسط أمان ونعمةٍ نحمدها

كلنـا نحفـظ ولاه وكــل ابـونـا جـنـودهلعنبوا من خـان بالبيعـه ومـن يجحدهـا

الوطـن حنـا حـمـاه مجـوديـن حــدودهباامـركـم ياقـايـد النهـضـه ويـارايـدهـا

السيوف اللي لها مات العـدا مجـرودهاليـديـن الـلـي تـمــد لـدارنــا نجـلـدهـا

بيّض الله وجه ابو متعب وشد عضـودهفي سلالة مسس الدوله ومـن وحدّهـا

ابو يارا بارك الله فيك على نقل هذه القصيده الجزله

القصيد اللي تقاعـس عنـه وش مـردوده

يــوم كــلٍ فـــي محـيـطـه سـابـقـه يلـكـدهـا

يستاهل ابو متعب اكثر
صح السان ابو محمد

الله انه يعتني فـي صحتـه ويـزوده

ويتقبل له دعـاه وسجـدةٍ يسجدهـا

الأخ منصور بيض الله وجهك على النقل الجميل وصح لسان أبونآصر مليون

تقبل مروري

صح لسان الشاعر على هذه القصيدة الجزلة الوطنية

ويستاهل ابو متعب هذه القصيدة والمدح

واشكرك ابو يارا على هذا النقل الرائع

صح لسان ابو ناصر ...
قصيدة رائعه من راس وافي ..
هكذا عودنا ابو ناصر على الجزالة والفخامة الشعريه خصوصا وان مناسبة
القصيدة غالية على القلوب ...
ابو يارا
عودتنا على نقل كل جميل ورائع ...
لاعدمتك

بيض الله وجه ابو ناصر على الابداع ولاغرابه من شاعر يحكم الكلمة ويصور الواقع

وشكر كل الشكر لصاحب النقل
المميز الذي لايقطف من ثِمار الشعر الا اجوده

صح الله السان الشاعر القدير ابو ناصر
شاعر علم وغني عن التعريف
قصيدة أبدع وتميز بها
وصح الله السانك مليوووووون مرة يبو ناصر
الأخ العزيز منصور شرفتنا في الاضافة المشرفة
والجديدة ولايستغرب منك نقل والحرص على كل جديد في الساحة وهذا دليل على هتمامك
تقبلو موروي لكما

مشاعر فياضة , بمن يستحق , فسلم لنا أبومتعب , ودامت القوافي في إظهار صور مدح أخلاقه .


صح لسان الشاعر .


ودام نقلك واختيارك الرائع أبو يارا .



تقبل جزيل الشكر والاحترام بزجل مانقلت .

صح لسااان الشاعر حمود ولك الشكر على اثراءنا بهذه القصيده وخاصه انها بقائد الامه

صح لسانه والله يعطيك العافيه يابو محمد