░░▒▓██ فمـان الله يـا دنيـا الغـرام وكـذبـة العـشـاق ██▓▒░░

هذه قصيدة للشاعر / هـــادي اليــــامــي
اليكم القصيدة بمافيها من آلام وموادع
تقبلوا خالص ودي لكم جميعآ

فمـان الله يـا دنيـا الغـرام وكـذبـة العـشـاق = فمـان الله لا رجعـة بعـد هالـيـوم لا رجـعـه
أنا راحـل بـلا هـم ووجـع راس وبـلا أشـواق = أنـا مليـت يـا دنيـا الضيـاع وكذبـة المتـعـه
أبا اتحرّر مـن قيـودك وبعلـن للرّحيـل اشـراق = وأداوي جـرح قلـبٍ غلطتـه بـان الوفـا طبعـه
تعبت اطرد سراب اللاّل ساقٍ فـي مثانـي سـاق = وتعبت من الدروب ومن شتاتٍ حرت فـي جمعـه
وملّيت انتظر حلمٍ غفـى مـن غفوتـه مـا فـاق = وملّيت اسْهِر عيونـي لغيـري واعطـش لـنبعـه
ابرحـل والرجـا بالله ولا غيـر الفـراق افـراق = بعد ما الحب فـي عينـي تسـاوى سـوّه ونفعـه
أبا الحق ما بقى بالعمر مـن قبـل العمـر ينسـاق = هذا ان كانه بقى بالعمر مـا يستاهـل الفزعـه !!
خذيتي من العمر عمر وخذيتي من العمـر مـا لاق = وتركتي لي القليل مـن الكثيـر ولوعـت الدمعـه
وعطيتي وش عطيتي ؟ غير حمل من العنا ما انطاق = وحزنٍ لو كتمتـه بـان لـه فـي ناظـري لمعـه
فمان الله يـا دنيـا الغـرام ولـو بكـت الاحـداق = ترى ما تثني دموعـي اعزومـي والأمـل هجعـه
عنا ليل الرحيل ولو تغـصّ مـن البكـا الاعمـاق = ولا ابقى فيك يـا دنيـا الضيـاع ودنيـة الخدعـه
أنا راحل .. نعم راحل وبطـوي بالرحيـل آفـاق = وبشعل في دجى ليـل الرحيـل الموحـش الشمعـه
وبقفل للضّيـاع أبـواب وبعتـق للرّحيـل أعنـاق = وبـاذبّ الـدروب اللـي تودينـي بـلا رجـعـه

أبا الحق ما بقى بالعمر من قبـل العمـر ينسـاق *** هذا ان كانه بقى بالعمر مـا يستاهـل الفزعـه !!

ابن منيديل اطرب لقراءة مشاركاتك لاعدمناك يالغالي

اختيار دقيق لاجمل القصائد


تسلم ويسلم احساس على هذه الاختيارات

الجميلة لك اجمل تحية

قصيده غايه بالجمال

شكرا لك لاختيارك اعذب القصائد

منصور الوسوس

وقصائدي تلبس وشاح التميز والابداع بمجرد طلتك فقط

لك اجمل تحية وود صادق لشخصك

م الفريدي

العذوبه تكمن بمرورك ياعزيزي

شكرا لمرورك

((( رفـــــــــــــــــع فــــــــــقـــــــــــــط )))