ما عـاد نقـدر ناكـل الا زبـادي ( الصافي )

قصيدة للشاعر / ســعــود القــــــت اتمنى ان تنال اعجابكم مع التحية لكم جميعآ

ما عـاد نقـدر ناكـل الا زبـادي = بعد وحوش السوق زادو فالأسعـار
يا راعتـي يـا خوفتـي ياهجـادي = يا صفق قلبي صفقة الدف والطـار
صبرت صبرٍ ما صبـره المهـادي = على وحوشٍ تلبس ثيـاب الأخيـار
زاد الدخل ميـر السلـع بزديـادي = وكلٍ درا واونس لها سـر وجهـار
ماهـو مـزوح الا كـلامٍ وكـادي = حتى ولو ما ذيع من عبر الاخبـار
الاكل كلـه مـن صناعـة بـلادي = لكـن شبوبـه قصيريـن الاشبـار
بعض الطعـام نـدوره فالمـزادي! = وبدل عصير الفاكهة قـرص فـوار
ونستانس ليا حل حتـن الجـرادي = لو كان نونس منه فالمعده أضـرار
قضـو علينـا جعلهـم للبـيـادي = كنهم يبيعونـا كريمـات الأحجـار
راحو يلوفونـا علـى غيـر قـادي = لوف السموم الصلف لوراق الأشجار
لا جيت افصل ثوب فصلـت عـادي = مافيه داعـي للكبـك ميّـت النـار
والألف ما يكسي ضبـيّ الحمـادي = اللي لباسـه مالنـا منـه معـذار
ومن قلت له مخطي يقول انت غادي = وبنالك من الكذب دوريـن وجـدار
جده ما عرف المعركـة والطـرادي = ولا باع عمره للوطن درع وسـوار
مغير عند امـه يحـوس الرمـادي = ولا له مع اهل الطيب والمعرفة كار
وبقرشه اصبح لـه مكـانٍ ريـادي = وقام يحفـر ببلادنـا كنـه الفـار
لحـق وذاه الحاضـره والـبـوادي = مغير يصلخ فالبشـر تقـل جـزار
تسعين مره قـد عشـاه السـوادي = على المواطن راس شاكوش نجـار
كلٍ يقص لـذن المواطـن وصـادي = با بقر با شوكه با فرزه وبـا فـار
لكـن شكوانـا لطيـر الـهـدادي = اللي بنا عز المواطـن مـع الـدار
لا يابو متعب يـا كعـام المعـادي = ينخاك شعبك كلـه صغـار وكبـار
افزع تراهـم دودحـو يـا سنـادي = الشعب هالك والسبب رفع الأسعـار
فتحـت حصالـة مضنـة فـوادي = ويا دوب جابت بن وشويـة بهـار

والله من اجمل القصائد الصادقة


صح لسان الشاعر



موضوع صحيح وكلام جميل


مشكور يبن منيديل ولو ان الشكر قليل


بحق مبدع مثلك تستاهل


حبة راس وخشم


سلمت يمين على هذه الاختيارات الرائعة


اقبل تحية محبك

منصور الوسوس

شكرآ للاطراء الجميل الذي لااستحقه لانه واجب علي ان امتعكم

بكل ماهو جميل ويليق بهذا المكان

على حبة الخشم والرأس (( انا ارفع لك عقالي تقديرآ لك))

اخوي بن منيديل

ماقول الا الله يعطيك العافيه

محمــــــــــــد الفريدي

صح لسان الشاعر/ سعود

اخوي ابن منيديل تشكر على نقل مثل هذه القصائد

واختيارك جميل



الله يعطيك العافيه ..........................................


وتقبل تحياتي ...................

أختيار رائع كروعتك وابداعك المستمر

عسانا مانعدمك ياوجه السعد

تحياتي وتقديري لشخصكم الكريم

م الفريدي

الف شكر للمرور الجميل
والله يعافيك بالغالي


فهد بن سعد بن هذيل

الاجمل هو مرورك ياعزيزي والف شكر للطلة الجميلة


الفريدي

ولاعدمتك يااخي الكريم
وتأكد ان الاروع هو مرورك فقط