جرح الاهانه .....

مايجـرح الانـسـان مـثـل الاهـانـهان جته من شخـصٍ يعـزه ويغليـه

لـو هــي كبـيـره يعتبـرهـا ميـانـهمايـدري ان القهـر توجـع مكاويـه

والمشكلـه لاصـار صعـبٍ مكـانـهوليـا خسـرتـه ماتحـصـل مـلاديـه

واحـيـان تاتـيـك الخطـيـه لـعـانـهمـن واحـدٍ دوبــه يـحـرك علابـيـه

خبـلٍ كثيـر المـال حـولـه بطـانـهتطغيه واللي عنـده المـال يطغيـه

لاصفقـوا لـه صـار عنـتـر زمـانـهومن عادة الطاووس يفرد جناحيه

ولـو ان مالـه بيـن الارقـام خـانـهيشوف نفسه فوق كـل المشاريـه

وعلى ضعيـف القـوم مابـه ليانـهوعند القـوي يرخـي اذانيـه ويديـه

والا الــذي دايــم يـلــوّخ لـسـانـهثــورٍ مغـمّـم يــدّرج دون توجـيـه

اليـا نصحـتـه جــاك زايــد جنـانـهحـتـى حـبـوب التهـديـه ماتـهـدّيـه

ان ماكبـح بيـن الحضـور اجمحانـهودك على مقرن حجاجيـه تعطيـه

والادمــي قـالـوا لسـانـه حصـانـهامـا جلـب لــه خـيـر والا يدهـويـه

صح لساااااانك...قصيده رائعه من رائع

صح لسانك ياعندليب المجالس على هذه القصيدة

شاعر كبير وبالشعر جزل

دمت بالوجود

مــن واحـــدٍ دوبـــه يـحــرك عـلابـيـه


صح لساانك واعتلى شااانك اخي خلف تقبل مروري وشعوري .......

ولو ان ماله بين الارقام خانه
......... يشوف نفسه فوق كل المشاريه

صح لسانك مليون ابو عبدالعزيز
ولاعدمناك

لايستغرب الابداع من أصحابه
فأنت من عودتنا على قراءة الجزل مماتقول
لايسعني سوى قول صح لسانك مليون ولايكفون
دمت مبدعاً أخوى الكبيربقدره خلف بن عتّاق ولاهنت
تحيتي

صح لساااااااااااااااااااانوه

مــن واحـــدٍ دوبـــه يـحــرك عـلابـيـه يمكن فيه واحد دوبه يحرك علابيه وجعان موشرط كل من صار كذا صارخبل تحاول تنقد <<<<ياحياة الشقى
ابيات تلامس القلوب لكن ماهيب غريبه منه هاالجزله

تحياتنا الأخويه

الاوفياء

نايف
ابو وسيم
ابو عبد الله
ابو حمد
ابو فيصل
الريم الشمالي

مروركم وشعوركم اثلج الصدر وسر العين ...
تعودت هذا منكم فلكم مني جزيل الشكر والامتنان ...
صحت ابدانكم وسلمت اناملكم
لاعدمتكم

هذه القصيده اذكرتني بقول الشاعر عبدالله المفضلي
يلعنك يالحاجه تهينين الأحرار
وتعظّمين اللاش لوهو دجاجه
اللاش ولد اللاش بيطار الأعذار
وجه الفلس يلبس من الكبر تاجه
مطالب الأخيار بيدين الأشرار
هذي تصاريف الزمن واعوجاجه
صح لسانك واشكرك يالعزوه على احياء ديوانيتنا الخاصه
اسجل مروري بعجابنا بطرحكم

اقتباس:
المشاركة الأصلية كتبت بواسطة شموع التفائل
هذه القصيده اذكرتني بقول الشاعر عبدالله المفضلي
يلعنك يالحاجه تهينين الأحرار
وتعظّمين اللاش لوهو دجاجه
اللاش ولد اللاش بيطار الأعذار
وجه الفلس يلبس من الكبر تاجه
مطالب الأخيار بيدين الأشرار
هذي تصاريف الزمن واعوجاجه
صح لسانك واشكرك يالعزوه على احياء ديوانيتنا الخاصه
اسجل مروري بعجابنا بطرحكم



شموع
ونعم فيك وفي الشاعر المفضلي وصح لسانه ...
استشهاد جميل ورائع بكلمات رائعه ....
لك شكري وتقديري على هذه الثقة من اهلها ...
وصح بدنك يالغاليه