من بيت مجد وبيت الأمجاد معمور

أهداء لمن يستحق الاهداء لنقيب منصور الوسوس المشرف العام لمجالس الفردة
قصيدة قالها شاعرها وهوالشاعر القدير صالح العنزي
كتب في القصيدة أجمل العبارات وهي تدل على ثقافة شاعرها وتقديراً لمن يستحق الثتاء وهو ابو محمد...

لاصار مالك معرفه واستشاره=أعنز على ألي بلمهمات مخبور
وأمسك يمين الخط وأترك يساره=والعبد في ممشاه منهي ومامور
ولاكل رماي يصيب الإشاره=قال المثل في ماضي الوقت والدور
والطيب كله والوفا والسطاره=بالي مثل منصور وفي راس منصور
الحربي المطنوخ ساس الإماره=من بيت مجد وبيت الأمجاد معمور
حر(ن)معرب من نوادر حراره=من قوم حرب وبيرق العز منشور
والحب يتبع بالمنابت بذاره=من خلقت الدنيا إلى نفخت الصور
أنتم مقرالطيب وأنتم جداره=يابو محمد ياسند كل مضرور
وأنتم هل الناموس وأنتم شعاره=تاريخكم نور(ن)سطع يتبعه نور
وصفه كما حر(ن)على راس قاره=متفهق الجنحان والأصل مشهور
الأشقرالي وسط ريشه شقاره=والدم من عطب المخاليب منثور
حلياك ياطيرالسعد والنداره=وأقول والله ياأبيض الوجه مشكور
وليامدحتك مابقولي خساره=والله وعد بالنار من يشهد الزور
أرفع لك البيضاء لعالي الزباره=وأهديك جزل البيت بإحساس وشعور
من واقع التقديرماهي قماره=حسب الوفا ماني على الكذب مجبور
وأقبل تحياتي وصدق العباره=يعل من جابك عن النار ماجور
في جاه عازل ليلها عن نهاره=في جنت الفردوس ينزل مع الحور
والمعذره ياريف ضيفه وجاره= والقاف زان وبسمكم ماهو مكسور
من شاعر(ن)جزل المثل ما استعاره=أنا على ماقيل شاعر ودكتور
من جوهرالإبداع عرف ومهاره=ولاني على باقي الشواعير مغرور
ياشوق من تزها حسين السواره=يافرحة المضهود ياوافي الشور
جتك القصيده يامديرالإداره=عساك دايم داله البال مسرور
وكل أخوياكم خصهم باالإشاره=الهرج ماهو عن هل العرف مقصور
وصلو عدد ماطاف بيته وزاره=على شفيع الخلق وبليس مدحور
الشــاعر _ صالح العنزي

صح لسان الشاعر صالح العنزي
ومدح رجّال يستاهل المدح وبمدحه مدح الفرده كلهم
وأنت الله لايهينك على النقل والنشريابن مطع
تحيتي لك وللشاعر

اعرف ابا يارا وعدم رغبته ان يمدح في اي مناسبه ..
ولا تفسير له عندي الا من باب التواضع او الخوف من وجود مبالغه ...
ولاشك انه الرجل الذي يفزع للقريب والبعيد كما تعلمون وهذا من اهم ميزات منصور الوسوس
لاعدمنا وجوده ولهذا نستجيب لطلبه اغلب الاحيان ....
ولكن ان يأتي المدح من احد شعراء عنزه الكبار وبناء على معروف عمله ابا يارا فهذا مالا
نستطيع الاعتراض عليه لا نحن ولا هو ، لان ذلك شهادة وتزكية لهذه الهامة الكبيره وهذا المعدن
النفيس حفظه الله ....
بيض الله وجهك ياولد محمد ...
وصح لسان الشاعر صالح العنزي فقد قال وابدع واظهر النور ...
والشكر موصول لك المشعل على هذا النقل والوفاء لاهنت
لاعدمتكم

صح السانك يابن وايل
على مافاضت به قريحتك الشاعرية

من مفردات الثناء التي تتسامى الى رد الجميل على أهله
" قد أجاد المادح بما يسمو أليه . وكذلك أستحق الممدوح هذا المديح "
يستاهل منصور الوسوس
كل خير

فكلاهما مبدعين

حـــلـــيـــاك يـاطـيــرالــســعــد والـــــنـــــداره
وأقـول والله ياأبـيـض الـوجـه مشـكـور
ونت كذلك مشكوررررر

أخي مشعل " دائما تنفرد بماهو جديدٍ ومفيد

صح لسان الشاعر صاح العنزي والممدوح يستاهل وهاذا عشمنا فيه..
والله لايحرمنا منه ومن اللي مثله ....انا والله لااعرفه ولم اللتقي به من قبل ولكن ...
من ربعٍ يحرون بالعلوم الطيبه من زمان واليوم ..
ولاهي غريبه على منصور =المدح والطيب يحريبه

يستاهل ابو محمد القصيدة
أكبر دليل على تقدير الرجل عندما يمتدح من قبل قبائل أخرى
ونعم با المادح والممدوح
ويستاهل كل خير منصور
وصح الله السان ولد وايل ..على القصيدة الجميلة
وقول يسلم راسك ياصالح العنزي
تقبلوووووووووووو تواجدي

الأخووووووووووووووووووووه ـ الكرام
شرفني مروركم وتواجدكم المستمر
ويستاهل ابو محمد كل خير رجل وافي ويستاهل الثناء والتقدير
كلمات خرجت من شاعرها شهادة لهذا الرجل وستبقى على مرور الزمن
.....وقول معكم صح الله السان العنزي .....
تقبلو مروري على مروركم
ودمتم بحفظ الباري

الاخ ــ ابن مطيع الف شكر على النقل الجميل .
ـــــــــــــــــــــــــ ـــــــــــــــــــــــــ ـــــــــــــــــــــــــ ـ

صح لسان الشاعر صالح العنزي .

يســــــــــــتاهل ابو يارا نعما بالمادح والممدوح .
والطيب كله والوفا والسطاره ### باللي مثل منصور وفي راس منصور
الحربي المطنوخ ساس الاماره### من بيت مجد وبيت الامجاد معمور

هلابك والله شرفني مرورك الرائع
وصح الله السانك على المداخلة