مانجهل الدنيا .. ولانعلم الغيب

مانجهل الدنيا .. ولانعلم الغيب=بس الزمان اليا تمايل .. تمايل
تصيب بعض أحيان .. وأحياناً تخيب=وأنت اعتبرها مثل كبوات ألاصايل
نمشي على درب الكرم .. والمواجيب=ولاشكينا من سموم القوايل
لو البشر ما هي تحب الأصاعيب=ماكان عاشت في الجزيره .. قبايل
الطيب ما يعني تجنابك .. العيب=الطيب .. كيف تطول .. روس الطوايل
أقسى طعون الضيف طعنة .. معازيب=وأبشع ذنوب الناس .. قل الفضايل
ترا السوالف ما تودي .. ولا تجيب=حتى ولو كانت .. قصيد وجزايل
راحت علينا لا اتحرى مكاتيب=تزهّب لدرب الشقا .. والهوايل
لا تحتري من بيض الأيام .. ترحيب=ماعاد باقي للسلامه .. دلايل
لا صرت ما تضمن قلوب الأصاحيب=جنّب قبل تلقى كبار الفشايل
أحد(ن) إذا مديت له طيبك .. يغيب=ماتملى عيونه كبار الفعايل
وأحد(ن) .. يموت إن كان سويت به طيب=يخاف مايقدر يرد الجمايل

راااااااااقتلي .......

الله الله
على جمال الذوق ومد الجزايل
لك الشكر اخي سهم
صراحة رآآقة لي وأبي اقتبس
فكل بيت اجمل من الثاني
دمت ودام طرحك الجميل

روعه مانقلت
صح لسانك ولسان شاعرها
خالص الووود

صح لسان الشاعر
أبيات رائعة كما تعودنا منك كل ماهو مميز
قصيدة رائعة جدا
أشكرك على طرحها لنا
وبإنتظار ماهو جديدك من قلبك المبدع
كل الشكر والتقدير .

اخوى
سهم الفريدي
مازلت شهماً كما كنت وستظل كذلك
أعجبني مانقلت لك شكرى وتحياتي

مشكورين اخواااااني
اسعدني تواجدكم ....