الله من قلب له سنين مهموم

السلام عليكم ورحمة الله وبركاته

اولاً اتمنى أن تحوز على رضاكم ورضى المتلقي

الله من قلباً له أسنين مهمــــــــــــوم=مدري مصير المقبله من سنينه
قلب العـنا يفطرعلى الهم ويصـــــوم=لوكان يملاه الامل والسكــينه
كنه يصــــارع جيش فارس مع الروم=سود الليـــالي بيحت له كنينه
لاشك أنا في تالي الوقـت مصـــــدوم=صدر الشمالي ضاق ياعارفينه
الصاحب اللي صار من حسبة القـوم=وبدى يطــلع للاوادم دفـــــــينه
بارالرفيق وبدل أطبـــــوع وأسلـــوم=وكنا لحزات القسـاء ذاخـرينه
من سبته عيني جفــــت لــذة النــــوم=ياهني من لذ الكرى موق عينه
هذا الزمن ياكامل العرف مشـــــؤوم=ترتاب فيه أهل القلوب الفطينه
واذا بلنك غبر الايـــــام برخـــــــوم=وأصبح حلــــيف الخير كلً يدينه
وحبل الرجاء فالناس ماهـوب مبروم=وصارت الصـوره حزينه حزينه
أخترلك من الناس فاهــــــم وشغموم=هيف السمين اللي أعلومه سمينه
يبني علاقاته مع أزحــــــول وأقروم=يعد ركناً من الركـــــون الركينه
من بعد ذا خذلك من القول منظـــوم=أغلى من كنوز الملـــوك الثمينه
دام العمر محتوم والرزق محتــــوم=الخــــــــوف لايدخلك تبت يدينه
مادام سيرك عــدل منته بمنجــــــوم=وشلك وكلحين الوجــيه المشينه
الطيب ماله حد لوكـــــــــان مفهوم=في قمــته بر الـرجل والـــديـنه
رافق حلــــيف البر تلقاه ملحـــــوم=وقت القساء تلقى حــــباله متينه
المرجـــله ماهي تهاويل وأحلـــــوم=المرجله صـــيد العقول الرزينه
المرجـــــله صبراً على الحق ملزوم=ونقل القدم عن مجلس أهل الغبينه
المرجــــــله طبعاً مع الناس مقسوم=ماهــــــــيب مالً تحتويه الخزينه
الصاحـــــب اللي ينقل أعلوم وعلوم=مثل الذبـــاب يبــــــذ نفسك طنينه
هذاك لو ياخـــــــذ معك روج ويحوم=يرجع لســـاســـه والليالي ضمينه
ماينفعك لاصرت ضايق ومكظـــــوم=الله يــبــيــض شعر راسه وعينه
قلته وأنا ماني من الذنب معصـــــوم=لاشك أنا أقداء النفس عن كل شينه
صـلــــوا على خير البشر دايم الدوم=أزكـــى بشر كــــمل به الله دينــه

اتمنى ان تحوز هذه المشاركه على رضاكم فهذا جديدي وسوف ترونها بشيلة المنشد محمد السليس قريباً هذه القصيده اتمنى للجميع التوفيق

خالد بن منصور ابن شليويح

الله من قلباً له أسنين مهمــــــــــــوم

مدري مصير المقبله من سنينه
يسلمو خيو ذعذاع انت ماتطرح الاالجميل الكوشخه
تحياتنا الاخويه

من ذوقك مشكوره اختنا القديره

صح الله السان الشاعر وصح الله بدنك

هلا بك ياأمير

يعطيك العافيه ياذعذاع
تحيتي لك

الـطــيــب مـــالـــه حــــــد لـــوكـــان مــفــهــوم==فــــــــي قــمـــتـــه بــــــــر الــــرجــــل والــديـــنـــه

رافــــــق حــلــيــف الـــبـــر تــلــقــاه مــلــحــوم==وقـــــت الـقــســاء تـلــقــى حــبــالــه مـتـيــنــه

الـمــرجــلــه مـــاهــــي تــهــاويـــل وأحــــلــــوم==الـمــرجــ لــه صــــيــــد الــعـــقـــول الــرزيـــنـــه

المـرجـلـه صـبــراً عــلــى الــحــق مــلــزوم==ونقـل القـدم عـن مجلـس أهــل الغبيـنـه

الـمـرجـلـه طـبـعــاً مــــع الــنــاس مـقــســوم==مــاهـــيـــب مــــــــالً تــحــتــويـــه الــخــزيــنـــه

صح لسان شاعر قال
ويسلم يد من الشعر تنال

مشكور اخي ذع ذاع
ذائقة رائعة بما تحمله من معاني بها حكم

مشكور أخو ي القدير عبد العزيز وبيض الله وجهك
مشكوره اختنا القديره ميس

الاخ ذعذاع الشمال
يعطيك العافيه على هالابيات الجميله

وصح السان قائلها وعافاك الله على ايرادها

مشكور وياهلا با خوي الغااالي