تل قلبي تـل جمـس ٍ ليـا خمـه

تل قلبي تـل جمـس ٍ ليـا خمـه=مذرب ٍ من فعـل الايـام ملهـودي
ثايرا ً من طول جور الدهـر دمّـه=شايب ٍ راسه من البيض والسـودي
رغم مابه مـن هواجيـس ملتمـه=من ظروف الوقت والنقص والزودي
سامع ٍ هرجة قفا مـن بنـي عمّـه=حسّته يركض بهـا كـل مقـرودي
زوّدوهـا وقلبوهـا هـل النّـمـه=لين صارت فيـه ملـح ٍ وبـارودي
خاف مـن يمنـاه تدهـاه بمطمّـه=وانتوى جو ّ ٍ تصافق بـه النـودي
فضّل الجو المطـرّف علـى اللّمـه=يالف الوحده ويصبر على الكـودي
يوم بشته حـط يمنـاه فـي كمـه=حر ّكه كنّه عـن الـدار مطـرودي
راح يطو الخـط يخطيـه ويخمّـه=هو حمق والجمس بالترس مشدودي
مثل جوره جار فـي خافقـي همّـه=منه فأقصى هدف الاضلاع مريودي
كـل هـذا منـك ياواحـد ٍ يـمّـه=خافقي من جاير الشـوق مقيـودي
جيت له مشتاق والحـال منسمّـه=والهوى سيفه على الروح مجرودي
قلت يامن زاهي الوصـف مازمّـه=ياخفيـف الـدم ياليّـن الـعـودي
ياحسين ٍ معك الاوصـاف منضمّـه=كل وصف للبهاء فيـك موجـودي
ياعيـون اللـي مواكيـره القمّـه=أشقر ٍ مايملكه غيـر آل سعـودي
لد لي خذ موجـز العلـم ومهمـه=صرت لك ياقبلة البيض مسيـودي
كـل ماتطلـب وماتفرضـه سمّّـه=لو يجي دونـه عراقيـل وقيـودي
والتفت لي وأزرق الدمـع ماكمّـه=قال جاك مفصّل العلم مـن عـودي
انت في يمّه وأنا رحت فـي يمّـه=كل بـاب ٍ للرجـا فيـك مسـدودي
وأعرف أن الوضع لاه غلبت تمّـه=ليت جد ّك بالعـدد ثانـي جـدودي
وافترقنـا كلّـن الـهـم مزتـمّـه=هو طوى ياسه وأنا عنه مذيـودي
رحت وافراق الوفي شارب ٍ سمّـه=أردع العبـرات فالنفـس وتـزودي
كل ماذعذع هوى النود مـن يمّـه=جبت من زفرات الاضلاع ماجـودي
جيت أغط الصوت والصدر ماضمّه=لايمي حطّوه في وسـط ملحـودي
لو طريقه سمح ماأهفـي ولاأزمّـه=مير جا فالدرب عثـرات وعقـودي
حال دونـه قـوم ماهـم بشرذمّـه=فالقدايـم تحتمـي تالـي القـودي
طيبهم معـروف والغيـر ماأذمّـه=وإن نطقت بزور مافـاد مجحـودي
نلتجـي للحـق مانهفـي الـذمّـه=والخطا قولـه لراعيـه مـردودي
ماعلـي مـن الزواريـب والخمّـه=حاس ٍ القوّه عن الضعف لزنـودي
ماكسبت المعرفه من شويـر أمّـه=منهجي حاميه عـن كـل منقـودي
مايحقـق شـي والـرب ماتـمّـه=حت لو يفـرح سعيّـد ومسعـودي
أتخطّـا الكـود بالصبـر والهمـه=وإن تصعّب وضع ناجيت معبـودي
عفت كدر القيل واخترت من جمّـه=من قراح ٍ يبهـج الكبـد قرهـودي

شكراً على الاضافه وصح لسان الشاعر
وكنت اتمنى ذكر اسم صاحب القصيده
لك تحيتي

شكراً على الاضافه وصح لسان الشاعر

مشكورين اخواني يابو فيصل من شان اسم الشاعر ما اعرفه

كل الشكر والتقدير لأخي وتاااااج رأسي عبد العزيز العبلان