حييت يابن منصور .....

وجدت اخي الحبيب محمد بن منصور ضمن طاقم الاشراف فكانت
هذه المشاعر له ولكم يافخر هذه المجالس ......

يقول ابن عتاق والقلب مسرور=قلبٍ يحب الطيب والطيبيني
يوم النشاما داروا الفكر والشور=تخيروا حرٍّ من الشامخيني
ثم اعلنوا تكليفهم لبن منصور=يحمل امانة طاقم المشرفيني
وترجّل مبارك عقب خط له دور=والله ونعم ليا ذكرنا الثنيني
هذي مجالسنا بها الدر منثور=موجودها من كل نادر ثميني
من قام بالواجب ثم انهاه مشكور=يقوم به غيره من الحاضريني
وانتم نجوم بالسماء ترسل النور=على سناها وصلوا السارييني
ومادام للقلعه دفاعات مع سور=تبقى عصيه مع مرور السنيني
وتقبلوا باقات وردٍ مع زهور=ثم حبةٍ في مقرن الحاجبيني
مشاعرٍ احسها داخل الزور=ابديتها وانتم لها عارفيني
وختامها مسكٍ وكادي وكافور=وعنبر وعود الهند والياسميني

نسجل اعجابنا بطرحك اطال الله بعمرك على طاعته

صح لسانك ابو عبدالعزيز

ويستاهل الاخ محمد بن منصور هذا المدح والاشراف

ودمت بهذا الوفاء والطيبة

يستاااهل ابن منصور الاشراف ويستاهل الابيات الشعرية من الأخ الغالي على قوبنا جميعاً
وهو شاعرنا القدير خلف الفريد الشاعر الذي نجدة كل يوم له قصائد وابيات بجميع المواضيع والتي تدل على تواجده المستمر ..ودليل على طيب قلبة شاعرنا وربما ان البيت قبل الاخير
أكبر دليل على طيب قلب هذا الشاعر ابو عبد العزيز
,,,امالبيت الأخير فنقول لك بالمثل الله لاهينك

وختامـهـا مـسـك ٍوكـــادي وكـافــور=وعنـبـر وعــود الهـنـد والياسمـيـنـي

صح لسان شاعر الابيات الجميلة التي خرجت من رووح نبيله
تسلم على هذه القصيدة
ويستاهل من قيل فيهم القصيد
دمت ودااام جووودك أخي القدير خلف الفريد

صح لسانك يابو عبدالعزيز
ويستأهل بن منصور

وانتم نجوم بالسماء ترسل النور
على سناها وصلوا الساريينـي
ومادام للقلعه دفاعات مع سـور
تبقى عصيه مع مرور السنينـي

*عاداتك ابو عبد العزيز
يابحرنا الزاخر تعطي ولا تطلب الرد0

اخوى الكبير بقدره
خلف بن عتاق الفريد
صح لسانك وإعتلا شأنك ولاهنت وبن منصور
يستاهل وأقول كما قال بن مطيع
تقبل تحيتي

يستاهل محمد بن منصور
وسلمك ربي يابن عتاق
على محبة الجميع

عندليب المجالس
هذه المشاعر الجميلة التي سطرتها هي نسخة من الحب الذي
يبادلك أحبتنا أعضاء مجالس العز والشموخ
لقد صدحت بتلك العباراة الرائعة لتضفي جواً أخوياً نسعى جميعاً ليكون مستمراً ودائماً
شكرا لك ويستاهل مشرفنا الجديد ابن منصور كل هذه المقطوعة الادبية
وما تحتوية من مشاعر
تقبل ابا عبدالعزيز وافر الحب وصادق التقدير