سلامات يابن عتاق بنفسجي

تعجبني مداعبات أخوى الكبير بقدره خلف بن عتاق الفريد
ولذلك جاريته وأرجو السموحه إن كانت قصيدتي دون المستوى

واشيب عيني لفت بالشايب مكيف=مشتاق يبي الغزل ماهي عجاريفي
إمام مسجد كبير السن مازيف=قولن صحيح و وكادن ماهو بزيفي
يقول أنا ظيف للعشاق ماظيف=مهولن ياجماعة خير هالظيفي
عقب ثمانين عام قليبه صخيف=يشكى هواً خافين عنده ولاشيفي
والله يالو لاعته ملعونة الطيف=إنه ليسهر من اللوعه مع الطيفي
لوكنت أعرفه ثقيلن ماهو خفيف=مار الهوى صعب وفراق المواليفي
هذا وأنا بانصحه لايعدي النيف=ترى الطويله تجي معها السواليفي

وسلامتـــــــــــــــــــ ـكــــــــــــــــم

هذا وانا بانصحه لايعدي النيف
............... ترى الطوله تجي معها السواليفي
صح لسانك شاعرنا الجزل غازي
وافيه من راسٍ وافي
وبيض الله وجه الفريد الي حرك الساكن
وجعلنا نستمتع

صح لسانك شاعرنا الجزل غازي
وافيه من راسٍ وافي

صح لسانك ابا فيصل
نصائح جميلة لعندليب المجالس لكن ثمانين واجد شوي !
تقبل وافر التقدير

ههههه
ابو فيصل صح السانك قصيدة تستحق الاقتباس
جميعاً فهي رداً وافي من شخصك الوافي بشعرك وبحضورك المميز
قصيدة جميلة جداً جداً
اما البيت الخامس فهو جميل بحد ذاته وربما انه يجبر الفريد على الرد مرة أخرى !!
تحية جميلة لك........

صح السانك يبن عجاب والسان الفريد...والله اني جاي من العمل تعبان....
وجلست اضحك لحالي من سواة الفريد....والله اني حبيته في الله. انا ماتخيل شكله وهيته لا
كومدي بمعنى الكلمة اتمنى ان اجلس معه ومعكم كلكم لانكم شرف لي ..
..واثر قلبك خضر يالفريييد؟؟ ..اوريكم فيه...الله يسعدكم جميعاً .......

الحقيقة فيه قصيدة لي في شاعرالملك وقصتي مع شاعر الملك ولاكن اللي مايكتب
عسير..لي عوده ودمتوا بموده..

ههههههههههههههههههههههههه هههههههههههههههههههه

لا لا يابو فيصل حرام عليك هذا تشهير
هداك الله انا قلت عقود ونيف !!! وش دراك انها ثمان عقود !! لاحول ولا قوة الا بالله !!!
قل ثلاث عقود اربع ..حولهن ..لكن ثمانين !!
ويبي يزعل عليك ابن جضعان وهابس لانك حولهم

ابوزوايد
على اسمك ، تأبى الا الزياده واعتلاء النايافات والقمم ...
اسعدتني وشرفتني هذه المجاراة الرائعه من شاعر علم ...
ولا بك حيله يابو فيصل ...
صح لسانك مليون ...
لاعدمتك

صح لسانك ياشاعرنا المبدع ابو فيصل على هذه القصيدة

وصراحة قصيدة رائعة للاهل القلوب الخضر ومن ضمنهم ابو عبدالعزيز

واطال الله بعمرك وعمر ابو عبدالعزيز وجميع شعرائنا الكرام

لك تحياتي

اقتباس:
المشاركة الأصلية كتبت بواسطة غازى بن عجاب أبوزوايد

والله يالو لاعته ملعونة الطيف=إنه ليسهر من اللوعه مع الطيفي
لوكنت أعرفه ثقيلن ماهو خفيف=مار الهوى صعب وفراق المواليفي
هذا وأنا بانصحه لايعدي النيف=ترى الطويله تجي معها السواليفي

صح لسانك يابو فيصل قصيده جزله من شاعر جزل
ابياتها قد يطول صداها
جمعت بين الفكاهه الجميله
والحكمه المتجليه في البيت الأخير
نظمت وأبدعت
تحياتي وتقديري لك

صح لساااااان يا غازي لاتقل عن الاخوان لك الشكر