قلب أم سعود على أبنها

السلام عليكم ورحمة الله وبركاته نقلة لكم قصائد تذرف لها الدموع كيف لا وهي ام بأبنها المسجون الذي يقال انه مسجون ضلم اسأل الله لنا ولكم السلامه نــــــخــــــوة لـــــقــــبــــائـــــل شــــمـــــر

يـــــا ســـــــعـــــود لا تـــــيـأس تــرى الــرب مــــوجـود=ولا خــــاب مــــن يـــرجــــي فــــرج خـــالـــق الــكــون
بـــــابـــــه لــــمـــــن يـــــرجـــيــه مـــا هـــــو بــمــردود=وعــــــفـــــــوه شــــمـــل فــــي غــبــة الــيــم ذا الــنـون
ويــــوســــف بــــعـــد مــا كــــان بــالــبـــــــيـــر مجحـود=رده عـــلـــى يــــعــقــوب بـــــالـــــعـــــز والــــصــــون
لـــــــو ضــــاقـــت الـــدنــيــــــا تـــرى الــعـــبــد مـحـمود=اجــعــــل ثـــقـــتــــك بـــــواحـــد يـــمـــلــك الــــعـــون
جــــل وتـــعـــالـــــــى رازق الـــــــطــــــيـــــر والــــــدود=عـــــــلام مــــا يــــعــــلـــــن ومـــــا كــــان مـــكـــنـون
يـــــــا رب هـــــــونــــهــــا عــــلــــى كــــل مــــلــــهــــود=وانــــت الــــذي بــــامـــــرك وتــدبــــيـــــرك اتـــهــون
تــــعــــلـــم بــــحـــالـــي لالـــــي قــــــوه ولاعـــــضـــــود=وانـــــا مــــــره مــــكـــســــوره عــــضـــود وشــجــون
مــــالــــــي جــــــدا الا دمــــعــــــة مـــابــــهــــا فــــــــــود=ونـــــهـــتــــات قــــــلـــــبــــا تــــجــــرح الـلي يصنون
ابــــــكـــــي ضـــــــنــــــاي اللـــــي ورا الــســجــن بـقيـود=وعـــــدة ســـــنــــيــــن وهـــــو ورا الــشــبــك مسجون
ان جــــيــــت ازوره صـــــار مــن دونـــــــه حـــــــــــدود=ووقــــــت الــــزيـــــاره صــــعـــــب يــــاللــي تــحسون
هــــذا جـــنــيـــنـــي بـــكـــري اللــــي اســمــه ســــعــــــود=ومـــعــــنـــى الـــســـعـــد مــــالـــه مـنه حض مضمون
الا بـــــفــزعــة مــــنـــــبــــع الـــطـــيــــب والـــــــجــــــود=اللـــــــي اذا ســـــاروا عــلـــى قـــالــــــه اتـــــهــــــون
شــــمـــــر هــــل الــــطــــولات حــــــمـــــايــــة الـــــــذود=شـــــمـــــــر ســــنـــاعـــيـــس الـــفـــرج مالـهـم لــون
شـــــمــــر ذرا الـــخــــأيـــــف وبـــالــــعــالــــيــه طــــــود=شـــــمـــــــر عــلــى الـفـزعـــات والـــعــز يـــرســون
شـــــمــــر لـــهــــم تـــــاريـــتـخ وافــــــعــــالـــــهـــ ــم زود=كــــســــابـــــة الــــمــعـــــروف فـــــي كــــل قــانـون
لـــــهـــــم لـــجــيــت وطــيــبــهــم طــــيــــب مــــشــهــــود=انـــــخـــــــى وانـــــادي شــــيـــوخــهــم مــابــهم دون
شـــيـــوخ شـــــــمــر قــــدهـــا بـــــجـــــــد وقــــــــــــــدود=وتـــــاريــــخـــهـــــا مــــعــــروف يـا للــي تــــعــدون
ابـــــن رشــــــيـــــد مــــهــــــون الــــصـــعــب والــــكـــود=شــــيـــخــــا وطــــيـــبـــه يـــســـبــقــه ويــن ما يكون
وانـــــخـــــاك يـــا الــــجــربـــا عــــلــى يــا مــنــا الـســـود=افـــزع لـــــنــــا يــــاللـــــي بـــك الـــخــيــر مـضمون
وابـــن طــــوالـــــه لــــــه مــقــامـــا ومـــــجـــــهـــــــــــ ود=عـــلــــيــــه فــــي كــــل الـــمـــهـــمــــات يـــثـــنـــون
وانـــــخــــــاك يــــا بـــن شــــريـــم والـــقــــلــب مـضهــود=انـــــت الـــفــــزع للـــي لـــشـــــرواك يـــنــــخــــــون
وانــــخـــــاك يـــا الـــتــــمــيـــاط يــــا راعــي الـــــــجــــود=يـــــاللــــــي عـــلــــى الاجـــــــواد مـــن طـيبك اتمون
وانــخـــــى ابــن ثــــنــيـــان والــــــوقـــت مـــحـــــــــــــدود=شــــيــــخــــا مـــــن شـــــيوخــــــا كــــرامــا يــسدون
وانـــــخـــــاك يــالـيـاور وفـــيــــك الــــــوفــــــــــــاء وزود=يـــــا فـــــزعـــــة اللـــــي للــــفــــرج مــنـــك يـرجون
يـــــا بـــــن بــــعـــيـــجــــان افـــــزع يـــنـــخــــاكم ســعــود=عــــاداتــــكـم عــــنـــــد اللــــــوازم تــــــحــــضــرون
ويــا بـــن ســـمــــيــان ابـــذل لـــنــا كـــل مــــــجـــــــهـــود=راعــــــي الـــكـــــرم والــــنـــــاس بــــفـــعـلك يعدون
لا يــــابو مــــتـــعــــب والامـــــــل مــــــنــــك مـــــوجـــــود=بــــنــــت عــــنــــزه تـــــنــــخــــــاك وتــطلبكم العون
وانــــخــــا الـــــطـــنـــايـــا كـــلــهـــا الــــطــــفــل والــعـــود=ولاظـــــنــــــي الا يــــــالــــســــنـــاعـ ـــيـــس تـوفون
ســــيــــروا لــــنــــا بــــجـــاهـــة لــمـــن بــامــره الــــــقــود=عـــســــاه يـــعــــفـــــي لــــــي عـــن ســعــود تــكفون
قــــبــــل يــــودونــه مـــــــن الــــســــجـــن للـــــــحـــــــــود=ويــــصــــيـــــر يــــا شــــمـــر ورا الــطـــي مـــدفون
وجـــــزاكــــم اللــــي بـــا مـــــره تــســيـــــر الــــــــنـــــــود=عـــــــلام مـــــــا بــــالــــكــــون ظــــاهــــر ومــكنون
رجـــــــواي بـــاللــــي فــــيـــه رجـــــاي مـــــــعــــقــــــــود=يــــــا رب يــــســـــــرها عــــلـــى كــــل مــــحــزون

ام ســــعـــــود الــــعــــنــــزي
سكاكا الجوف



هذه القصيده سبق وأن ضهرت في قناة الخليج وهي...:
نخوه لقبائل عنزه عموماَ...
........

يالله يامنشي كريم الرواعيد=من مالحاَ ماتهتني به ضميه
وسقته على النايد من القاع والبيد=واسقيت به خلقك وكل الرعيه
تسقي ضما كبداَ جداها التناشيد=وتـــفزع لها ياللي تعرف الطويه
على ضناها كم تجر التناهيد=مكسورة الجنحان والروح حيه
قرب فراق اغلى البشر ياالأجاويد=والناس كلاَ لاهي عن القضيه
غديت مثل الحمَره شبه توكيد=اموت وأذوي كل صبح ومسيه
ماغير من خلف الحديد المجاويد=ابكي ويبكي كل ماجيب ليه
ويقول ياميه ترى الدمع مايفيد=اذا تركوني العزوه الوايليه
انخي ربوعي كاسبين التحاميد=عيال وايل كاسبين العليه
من الخليج انخي الى غربي ضميد=ينخون شمر مرخصين العطيه
يسعون للشمروخ حمايه البيد=يرجونهم حق الوفا والعنيه
ياميتي مبها خجل ومناقيد=كم عيد فات وكم فاتت ضحيه
وطلعت من عنده وهو داخل القيد=لاحول لاقوه ولاني قويه
ياسعود ودعتك كريم الموافيد=الياس لاتطريه في كل جيه
مادام لك ربع كرام المواريد=الجأ لهم لاصار فيها حميه
وستر القبيله باللوازم كما الحيد=عز الضعيف اللي عزومه رديه
انخى ابن هذال قرم الأواليد=شيخاَ جزوم ولايهاب المنيه
وانخاك يابن مهيد ياطيب الأيد=يالشيخ ياراعي الوفا والحميه
وأنخى ابن مجلاد بالصوت وأزيد=شيخاَ يسد الياوقف بالقضيه
وأنخا ابن مرشد مقر الصناديد=شيخاَ يعرفونه جميع السميه
وأنخا العواجي بالندى والتراديد=شيخاَ عسى سنينه طوال ومديه
وأنخاك يالطيار بالصوت تعميد=يافرحت اللي فزعتك له هديه
وأنخى ابن شعلان ستر المناهيد=ويانعم يالشعلان في كل هيه
وأنخى الرفدي له فزعتاَ كنها العيد=راعي البويضا اللي عزومه قويه
وانخى الفقير بعالي الصوت وأشيد=حاكم حكيم وفزعته حاكميه
وأنخاك ياليداء واصيح وأعيد=ستر العذارى يازبون الونيه
وأنخى اليمنه بقياده المرتعد زيد=تر اللذي عشاه بأرض خليه
وأنخاك ياالهدلان لو انك بعيد=يافزعة اللي شاف سيف المنيه
وعبدالله الدعيدع انخاه تحديد=شيخاَ ومن ينصاه لا وهنيه
ومرجي ابو مبارك وفيَ المواعيد=قرم الرجال اللي يقوم لخويه
ياشيوخنا يادرعنا ياالأماجيد=الفكر ضاق وصارت الحال سيهَ
وأنخا القبايل كلها والقواصيد=واللي سمع شكواي وبه مرحميه
هذي وصاة سعود من دون تزويد=تنقل لكم عبر الخليج الوايليه
برعاية الابطال حمد ويزيد=انتم وهم ودعتكم هالقضيه

ام سعود العنزي



وهذه قصيده كتبها ابنها سعود وهو مسجون

اناضحيـة سـاحـرة بالطلامـيـس=امشـي باوامرهـا يامـا شربكتـنـي
من دون وعي اقدمت وطاوعت لأبليس=ماهوبطوعي؟غصـب هـي خوفتنـي
حاولت ذبح أبوي مـن دون ماحـس=وحاولت ذبح امـي اللـي ارضعتنـي
اناعمـي مسلـوب كـل الاحاسيـس=أعمـل لصالحهـا ليـامـا كتفتـنـي
ذبحت اعزالنـاس مـن دون ماقيـس=ليتنـي بدالـه والمنـايـا رمتـنـي
مرحـوم يامشبـع سبـاع مفالـيـس=لازم أترحـم لـه يامايحـل حتـنـي
ربعه هل الطولات رجـال السناعيـس=شمرهـل النـخـوات لياصككتـنـي
شمر هل الصـولات لياعـد فريـس=عيـال حاتـم والكـتـب سولفتـنـي
ومنهـم ابوماضـي يعطـي ولايقـس=عبيد السالـم ضعونـي لـه عنتنـي
وعيال عبدالله لهـم المـدح تكريـس=انالهـم مـديـون وان ساعفتـنـي
وخوالي العـردان بوقـت المراويـس=ليـت المنايـا بسـرهـا علمتـنـي
لكـن يابـوي إبعدعنـك الهواجيـس=حاولت تناسانـي يامـا يحـل حتنـي
وصيتـك بأمـي وصـاة بتحـريـس=حـاولـت تسليـهـا ليامابكـتـنـي
هالحين انا مسجون مـع المحابيـس=أبكي على حالي ودموعـي أحرقتنـي
والمعامـلـه بالداخلـيـه بتـدريـس=باقي صـدور الحكـم واظـن جتنـي
ومن بعدها يحط راسـي بلـه كيـس=ويشيله السيـاف مـن فـوق متنـي

****
نخوة من ام سعود العنزي الى الشيخ محمد الحميد العتيبي وعموم قبيلة عتيبه الهيلا بهذه القصيده ..

لـولا رجــا الله مـاهـنـا حـي مــوجـــود=الله كــريـم ولا غـدا مــن رجـابـه
سبـحانـه اللـي يفــرج الـهــم والـكــود=يــدري بـمـا يـجـري ولا يـنـدرابه
يـالله يـارب الـمـلا خــيــر مـــعـــبـــود=يــافــارج لأيــوب مـمــا اصــابـه
انــك تــفــرجـهـا علـى الـغـالـي سعـود=وتعــوضـه بـالـخـيـر مـما جرابه
يافــارج لـيـعـقـوب والعـود مضـهـــود=رديـت يوسـف بعـد طـولة غيابه
انــك تــرد ســعـــود يـاوالــي الـجـــود=حـيـث انت من انشاه ليه وجابـه
هــذا وانــا زبــنـــت يـاعـالـي الـطــود=عـلـيـك يـارمـز الكـرم والمهابـه
زبـنـت لأبـن حـمـيـد والأسـم مشهــود=مـحـمـد ابـو سلطان عالي جنابه
نـخيـت انـا مـحـمـد بـالـفـعـل مـحـمـود=والـذيـب بـمـثلك كل ساسه ذيابه
(عـتـبــان) ليـا جـت بـالتفاخر وبالزود=مـقـامــكـم عـالـي ولاله مـشـابه
يَـرْدون حـوض المـوت والعالم شهود=يــهــابـهــم عـدوهـم مــاتــهــابه
هــذا يــابـو سـلـطـان والـقـلـب مجهـود=ولاتــلام مـثـلــي لو تشقق ثيابه
افــزع لـمـن قــرب عـلـى ورعها القود=ولا تــهــنـت بـالـطـعـام وشرابه
ولــو الـشـعـور يـعـبــر بكــل مـجــحــود=عــبـيـت لـك كل الورق بالكتابه
لاشـــك ذا تـــوضــيــح لــعــــل بـه فــود=ونـتـيـجـتـه تـزيـل عـنـي الكآبـه
ومـاقــل دل وارتــجــي خــيــر مـعـبــود=ثـم بـمثـلـك وانـت من خير لابه
هـذا وصـلـو عــد مـاتــجـــري الــنـــود=على النبي الهاشمي والصحابه

***

يامن يوصل صيحتي لابن عبار=الوايلي معروف من روس فدعان
قله ترى ام سعود تنخاه بجهار=تكفى يابو مشعل سلايل كحيلان
سعود قصاصه حل والسيف له دار=افزع ترى لك فزعة شانها شان
بك اعتزي وبك انتخي وفيك الاشعار=تكتب بشخصك وانت للطيب عنوان

ام سعود العنزي..

*************

ام السجين ام سعود العنزي

انـا عجـوز ودمعتي ماانشـفت يــوم=عشـره سـنين الـدمع مـن الـعيــن ذراف
والـيـا قـدرت انــام تـجـيني حـلـوم=اشـوف ولــيدي دووم قــدام سـيـاف
مـكسـوره الـجـنحان مافــيني عــزوم=لكـان وصـلت ربـعي ذرى كـل خــواف
اولاد وائــل مـــزبن لـــكل مــضيوم=هـمـ تـاج راسي وعـزوتي بـين الاطـيـاف
وانخـى القبـايل كلهـا عـموم بـعمـوم=اهـل الـ خ ـليـج والـلي تـنحو بالااطـراف

****
وهذي قصيدتي الثالثة

ام السجين

يـالايـمي ضــاق بـي هـ الكـون=والـلـي وطــى الــجمـر يــدريلــه
واللــه يا لــو بـحالتــي تدرون=مــاتـرقد عيونــكم ليــلهـ
ابطــى جـنيـنيـ وهو مـــسـجون=نـصـف العــمر راح عــزي لــه
يـــااولاد وائــل هلي تــكفون=متــى عيــوني تراعيله
فــرقاه هـــمـ عـلي وغبـون=ابــكــيــ ولا بيدي الــحيله

*****
وهذي قصيدتي الرابعه

قالو تبكين وربعك عيال وائل=قلت:ايه ربعي صدق ماهم رديين
ربعي ذرايا عن سموم القوايل=ربعي هل الوقفات ماهم خفيين
ويلااان كم حلًـو صعاب الشكايل=يلبون للصايح لو هم بعيدين
وانخاكم يالحكام وكل القبايل=بالمملكه والكويت وقطر وبحرين
وانخاكم يالحكام وكل القبايل=حكام الامارات وعمان السلاطين
سـ ع ـود قصاصه حل ولكم نسايل=تكفون ياشيوخ الشرع والصلح والدين
وانخى هل الفزعات عيال الحمايل=تكفون يالاجواد ماباقين شين
تكفون يالاجواد بشتى الوسايل=لا تتركون سـ ع ـود له عشره سنين
انا امهـ اللي دموع عينها همايل=من يوم طب السجن ماغمضت عين
ياما بكيت وذقت مر وهوايل=صابتني الجلطات والضغط والبين
الجسم حي ولا بقي به صمايل=وعلى سرير الموت شهر وشهرين
متعذبه مابين برد وقوايل=ذقت المرض والمر و يـاصـ ع ـب الاثنين
ياليت اشوف سـ ع ـود قبل اتهايل=وياليت مايجيه سيف ابو (حدين)
تكفون ياشمر كاسبين النفايل=الطيب حي والسناعيس باقين
اجيهكم بالله ورسل ودلايل=لاتذبحون سـ ع ـود جاهل ومسكين
وجيهكم بــ ع ــموم كل القبايل=اهل الـ خ ـليج وكل العرب والمسلمين

امـ ســ ع ــود العنزي


****
وهذي قصيدتي ايضا

ياسعود ياوليدي طال انتظارك=ولاضنتي ياسعود بالعين اشوفك
حكمك قصاص ماظن ترجع لدارك=الموت والله بالدقيقه يحوفك
ليتن بدالك لجل تكمل مسارك=وليا مت انا تشيلني في كفوفك

وفي ختام هذه النخوات
قم انت ويـــــــــــــــــــــــ ــــــــــــاه وقبل رأس امـــــــــــــــــــــــ ــك اذا كانت على هذه الأرض
ام اذا كانت تحت الأرض ارفع يديك لله وطلب لها المغفره والجنه ماهما صفو لك المحبين فقلب الام لايوجد مثله والله اني تقل مجربه الضنى حزنتني هالمره الله يرد لها سعود يارب العالمين
مضعفك يابن أدم


تحياتنا الأخويه

قصائد مؤثره أسال الله
ان يفك اسره ويصبرها على ماأصابها
يعطيك العافيه يالريم

اخي عبدالعزيزامااجمل مرورك عندما تحس بضيقة غيرك
تحياتنا الأخويه

ياما على الجاهل يفوتن الافوات
وياما على العاقل تصير البلاوى

فعلاً قصائد مؤثره الله يفك أسر كل أسير

مشكووووووره والله يعطيك الف عافيه

العفو اخوي