المحبين....

المحبين وفصول السنة والليال=والجُمل والقوافي والقصيد وهَلَه
إزعَلَوا وابعَدوا عني وضاق الخيال=واستحال آخره يا زين وانت اوله
من جفافي يشدّلك الفؤاد الرحال =واركب الصعب لعيونك وانا استسهله
ما يعيب البكا والماء لا عوّد وسال=عاذل ٍينكره لا عوّد لمنهله
غالي ٍما طلبت وهيّـن ٍما استحال=هذي معجّـلة و«سنيني» مؤجّله
سقت شعري عذر حقك تسوق الدلال=أرفع الشعر تحت أقدامك بمنزله
بعدها يا حبيبي عَدّ حب الرمال=آترجّى هدب عينك واعيد أسأله
إنه يحن لي ويضمني في وصال=تحت ظله وسلهامه وفوق اكسله
يا حبيبي أحبك بـ ألف قلب ٍ وبال=ولك ما تسكنه منها وما تشغله
والليالي بدون رضاك سود ٍثقال=ومع دفا صوتك الأيام مسترسله
صاحبك ويتعذّر يا صعيب المنال=وانت تستاهل خضوعه وتستاهله
والشعر يكتبه بين الهدى والضلال=وانت تقراه باحساسك ولا تجهله
قالوا الناس ما عقب الرماد اشتعال=قلت يا ناس يبقى النور في مشعله
صاحبي لا تناديني لبعدك تعال=غربة الماء عذابك عنه يا منهله

،،،،،،،
نايف صقر

صح لسان الشاعر نايف صقر
اخي القدير خلف بن عتاق
قصيده رائعه
مشكوووووور والله يعطيك الف عافيه
تقبل مروري

تسلم أخي القدير خلف على هذه الذائقة الرائعة
دمت ودام جوودك
شكرا لك

بعدها يا حبيبي عَدّ حب الرمال

آترجّى هدب عينك واعيد أسأله

يقال ان الفريدي اذا شيب حب لا اعلم عن صحة هذه المقوله وبيما انك شايب عطنا التجربه
وجهة نضر لاغير

اخوى الكبيربقدره
لا أشك بذائقتك ولا أشك بإختيارك
ولكن صح لسان نايف صقر وسلمت على النقل والنشر
لك جزل التقدير والتحيه

الورديون

النمر الارقط
ميس الريم
الريم المشاغبه
ابو فيصل

شكرا لكم على المرور الجميل وما انا الا ناقل لما يجول في الصدور ...
ولا يعني هذا انني أؤيد الشاعر \\\ تخارج ههههههههههه
لاعدمتكم